ادەبيەتتىك وقۋ 3 سىنىپ
تاقىرىبى: تامساندىرعان دالا
ماقساتى:
1. وقۋشىلارعا ءارتۇرلى ءادىس - ءتاسىل ارقىلى ءماتىندى وزدىگىنەن وقىپ، ءتۇسىنىپ، تالداۋعا مۇمكىندىك بەرۋ.
2. تۋعان جەرگە دەگەن سۇيىسپەنشىلىكتەرىن ارتتىرۋ.
3. تۋعان ەلدىڭ بايلىعىن، تابيعاتىن تەرەڭىرەك تانىپ ءبىلۋ، توپپەن جۇمىس ىستەۋگە باۋلۋ.
كورنەكىلىك: ينتەربەلسەندى تاقتا، كارزەڭكە، باعالاۋ كەستەسى، پورترەت.
ءادىس - ءتاسىلى: ستو ستراتەگيالارى
ءپانارالىق بايلانىس: دۇنيەتانۋ، بەينەلەۋ ونەرى

ساباقتىڭ بارىسى:
ءى. ۇيىمداستىرۋ.
ءىى. ءۇي جۇمىسىن تەكسەرۋ.»ءۇش باقىتىم» ولەڭىن جاتقا 3 - 4 بالا جاتقا ايتادى، «مەنىڭ باقىتىم» تاقىرىبىنا شاعىن ەسسە جازۋ، 2 - 3 بالا وقيدى.
ءىىى. جاڭا ساباق.
پسيحولوگيالىق احۋال.
تىنىشتىق ءساتى. مۋزىكا ويناپ تۇرادى. قازاقستاننىڭ تابيعاتىن سۋرەتتەيتىن ءماتىن وقيمىن.
- كوز الدارىڭا نە ەلەستەدى؟
1. قىزىعۋشىلىقتى وياتۋ. تاقىرىپتى جاريالاۋ. «تامساندىرعان دالا»
ويلار سەبەتى: - بۇل اڭگىمە نە تۋرالى بولۋى مۇمكىن؟ (وقۋشىلار ءوز ويىن ستيكەرگە جازىپ ويلار سەبەتىنە جاپسىرادى)
- ءبىز قازاقستاننىڭ دالالارىنىڭ اتاۋى بويىنشا توپقا ءبولىنىپ وتىرايىق.
1 توپ - سىر ەلى 4 توپ – كەرەكۋ ەلى
2 توپ – سارىارقا ەلى 5 توپ – التاي ەلى
3 توپ – جەتىسۋ ەلى
- بۇل وڭىرلەر نەسىمەن ماقتانا الادى ەكەن؟ مىنا ماتىندەردى وقىپ شىعىڭدار - دەپ ءار ءوڭىر تۋرالى قىسقاشا ءماتىن بەرەمىن. (وقۋشىلار ماتىنمەن تانىسىپ، بۇل وڭىرلەر قازاقستاننىڭ قاي تۇستارى ەكەنىن انىقتايدى، ياعني، وڭتۇستىك، سولتۇستىك، شىعىس، باتىس)
2. ماعىنانى تانۋ.
ءار توپ ءماتىننىڭ وزىنە بەرىلگەن ءبولىمىن وقىپ شىعادى. ءار توپتان ءبىر وقۋشى شىعىپ سول ءبولىمدى مازمۇنداپ بەرەدى.
الەمدى شارلاۋ. ءار توپ ءوزىنىڭ وقىعان ءبولىمىنىڭ سۋرەتىن سالادى. دايىن سۋرەتتەردى توپتار ءبىر - ءبىرىن باعالايدى.
باعالاۋ پاراعى.
مىسالى كەرەكۋ ءوڭىرىنىڭ باعالاۋ پاراعى

ءار توپتان ءبىر وقۋشى شىعىپ جالپى باعانى شىعارىپ، كەلىسەتىنىن نە كەلىسپەيتىنىن ايتادى. سۋرەتتە نەنى كورسەتكەندەرىن ايتادى.
- ال وسى اڭگىمە كىمدەردىڭ اراسىندا بولعان اڭگىمە؟
- ەندەشە تاقتاعا قانىش پەن ميحايل انتونوۆيچ تۋرالى نە بىلدىك، جازىپ شىعايىق. (ينتەربەلسەندى تاقتاعا جازادى) ۆەنن دياگرامماسى ارقىلى سالىستىرادى. ورتاق بەلگىلەرى ەكەۋى دە « عالىم» دەپ جازادى.
- وسى عالىم ءسوزىن ءۇش تىلدە ايتقىزۋ.
- ەندى ماناعى ويلار سەبەتىنە قايتا كەلەيىك. وقۋشىلاردىڭ جازعانىن وقىپ شىعىپ، بولجامدارىنىڭ دۇرىستىعىن، بۇرىستىعىن انىقتاۋ، قورىتىندىلاۋ.
3. وي تولعاۋ.
التى ءتۇستى ويلاۋ قالپاعى. التى وقۋشى كيەدى. بۇگىنگى ساباق، ءماتىننىڭ مازمۇنى بويىنشا ءوز سەزىمدەرىن، جاقسى جانە ناشار ويىن، العان اقپاراتىن، تىلەگىن جانە ءوز ويىن ايتىپ شىعادى.
4. قورىتىندىلاۋ ءۇشىن «قازاقستاننىڭ تابيعاتى» دەگەن بەينەفيلم كورەدى.
- قازاقستاننىڭ تابيعاتى راسىندا دا ادامدى تامساندىرعانداي كوركەم، سۇلۋ، جەرى شۇرايلى ت. ب دەپ قورىتىندىلايدى.

ءىV. ۇيگە تاپسىرما.
ءۇشىنشى توپ اپاق بايجانوۆتىڭ كىم ەكەنىن ايتتى، ءبىراق قوسىم پىشەنباەۆتىڭ كىم ەكەنىن بىلە المادى. ەندەشە، قوسىم پىشەنبايەۆ كىم؟ – ءبىلىپ، مالىمەت جازىپ كەلەمىز.
- ءار ءوڭىردىڭ جەر استى بايلىقتارى جايلى ءبىلىپ كەلەمىز.
- ءماتىندى تاعى قايتالاپ وقۋ.

V. باعالاۋ.
توپ باسشىلارى توپ مۇشەلەرىن قالاي باعالاعانىن وقىپ شىعادى، ءمۇعالىم ءوز باعاسىن قويىپ، ورتاق باعا شىعارىلادى.

ستەپنوگورسك قالاسى،
№ 2 بەستوبە ورتا مەكتەبى
باستاۋىش سىنىپ ءمۇعالىمى
ۆايسوۆا مايرا بارلىباەۆنا
تامساندىرعان دالا. جۇكتەۋ