تارازدا اڭ اۋلاۋ كەزىندە قازا تاپقان 42 جاستاعى سەرىك كوبەسوۆتىڭ اتا-اناسى قۇقىق قورعاۋ ورگاندارىنا ۇلىنىڭ دەنەسىن ەكسگۋماسيالاۋعا مۇمكىندىك بەرمەدى. قىزمەتكەرلەر تەحنيكا مەن كۇرەكتەرمەن زيراتقا كەلگەن، الايدا تۋىستارى قابىرگە بارار جولدى جاۋىپ تاستادى، سوندىقتان ءراسىم وتپەدى، دەپ حابارلايدى infohub.kz سايتى.
قايعىلى وقيعا وتكەن جىلدىڭ قازان ايىندا بولعان. سەرىك ەكى تۋىسىمەن بايزاق اۋدانىنا اڭ اۋلاۋعا شىعىپ، ۇيگە ورالماعان.
پوليسيا ءىستى «ابايسىزدا ولىمگە اكەلۋ» بابى بويىنشا تەرگەگەن. بىرنەشە ايدان كەيىن ءىس توقتاتىلىپ، اتىس جاساعان ادام — قازا تاپقان جىگىتتىڭ قارىنداسىنىڭ كۇيەۋى — امنيستيا بويىنشا بوساتىلدى. ول كەزدە اتا-اناسى قارسىلىق بىلدىرمەگەن.
«كولىك ەڭىستە تۇرعان، شىعار كەزدە ەسىك تارسىلداپ، مىلتىقتىڭ تۇسىنا ءتيدى، سول ساتتە جارىلىس بولدى، وي، اتىس بولدى. ناتيجەسىندە كوكباۋىر مەن وكپە زاقىمداندى. قان وكپەگە كەتىپ، ول تۇنشىقتى. بىردەن قايتىس بولدى. ەكسگۋماسيا جاسالۋىنا قاتتى قارسىمىز. ول ءتىپتى و دۇنيەدە دە تىنىش جاتسىن»، — دەدى اكەسى المۇرات كوبەسوۆ.
انىقتالعانداي، دەنەسىن ەكسگۋماسيالاۋدى قازا تاپقان جىگىتتىڭ جۇبايى تالاپ ەتكەن. اتا-اناسىنىڭ ايتۋىنشا، ول وسىلايشا ولاردان م ۇلىكتى تارتىپ الۋعا تىرىسىپ وتىر.
«كولىكتى وعان بەردىك، الماتىداعى ەكى پاتەردى بەردىك. ۇلكەن ۇلى سوندا تۇرىپ، وقيدى، كىشىسى مەنىمەن بىرگە ءۇش جاستان بەرى تۇرادى، وسىندا مەكتەپكە بارادى. ول كەلىسكەن. ال ءۇش كۇننەن كەيىن تارازداعى پاتەردى تالاپ ەتە باستادى. وزىنە قايتا راسىمدەۋدى تالاپ ەتتى. ايتپەسە ءىستى قايتا قوزعايتىنىن — ياعني قاساقانا كىسى ءولتىرۋ بولعانىن ايتىپ قورقىتتى»، — دەيدى اناسى ميناش سماعامبەتوۆا.
ايتپاقشى، كەلىنى دە ءبارى اقشاعا بايلانىستى دەپ سانايدى. ول كەزدە وتباسى بيزنەستى ءبولىسىپ جاتقان، جۇبايى ءوز ۇلەسىن العىسى كەلگەن، ءبىراق قايتىس بولعان.
ونىڭ ۇستىنە، ايەل وزىنەن دە قۇتىلۋعا تىرىسقان بولۋى مۇمكىن دەپ كۇدىكتەنەدى. تەرگەۋ بارىسىندا وقيعا ورنىندا سول كولىك ورتەنگەن. ىشىندە مىلتىق، ايعاقتار جانە ءوزى بولعان.
«ەگەر بۇل جازاتايىم وقيعا بولسا، ءقازىر مۇنداي بولماس ەدى. مايىتكە ساراپتاما زاڭدى تۇردە جۇرگىزىلەر ەدى. تۇسىنەسىزدەر مە، بىردە-بىر ساراپتاما جاسالعان جوق، سيتۋاسيالىق ساراپتاما كەزىندە جارىلىس بولدى. بارلىق زاتتاي دالەلدەر جويىلدى، كولىك جارىلدى، مەن ارەڭ امان قالدىم. ال مۇنىڭ ءبارى — پايداكۇنەمدىك، ولار اكەممەن بيزنەس جۇرگىزگەن»، — دەيدى جەسىرى ماريا كوبەسوۆ.
پوليسيا راستادى: ءبىر جىل بۇرىنعى ءىس قايتا اشىلدى. ال ءمايىتتى ەكسگۋماسيالاۋ — قاجەتتى تەرگەۋ ارەكەتتەرىنىڭ ءبىر بولىگى عانا.
«ابايسىزدا ولىمگە اكەلۋ فاكتىسى بويىنشا تەرگەۋ جالعاسۋدا. جابىرلەنۋشى تاراپتىڭ ءوتىنىشى بويىنشا قوسىمشا تەرگەۋ ارەكەتتەرى، سونىڭ ىشىندە ءمايىتتى ەكسگۋماسيالاۋ جۇرگىزىلۋدە»، — دەپ اتاپ ءوتتى جامبىل وبلىسى پد ءباسپاسوز قىزمەتىنىڭ جەتەكشىسى گۇلسارا مۇحتارقۇلوۆا.
الايدا قۇقىق قورعاۋ ورگاندارى سەرىك كوبەسوۆتىڭ دەنەسىن ازىرگە قازىپ الا المادى. ونىڭ اتا-اناسى ەكسگۋماسياعا قارسىلىق ءبىلدىرىپ ۇلگەردى جانە ەندى سوتتىڭ قايتا شەشىمىن كۇتۋدە.
سونىمەن قاتار، ءقازىر ايعاقتاردى جويۋ جانە ساراپتامانى بۇرمالاۋ تۋرالى ىستەر تەرگەلىپ جاتقانى بەلگىلى.