تارازدا سوت شەشىمىمەن قاجەتتى قۇجاتتارسىز سالىنعان ەكى قاباتتى ساۋدا ءۇيى بۇزىلاتىن بولادى. جەكە كاسىپكەر نىساندى ءبىر اي ىشىندە ءوز قاراجاتى ەسەبىنەن دەمونتاجداۋعا مىندەتتى، دەپ حابارلايدى infohub.kz سايتى.
جامبىل وبلىسىنىڭ مامانداندىرىلعان اۋدانارالىق ەكونوميكالىق سوتى مەملەكەتتىك ساۋلەت-قۇرىلىس باقىلاۋ باسقارماسىنىڭ جەكە كاسىپكەرگە قاتىستى تالاپ ارىزى بويىنشا ازاماتتىق ءىستى قارادى. تالاپ قويۋعا جوسپارلى تەكسەرۋ بارىسىندا انىقتالعان بۇزۋشىلىقتار سەبەپ بولدى.
ساۋدا ءۇيىنىڭ قۇرىلىسى كاسىپكەرگە تيەسىلى جەر ۋچاسكەسىندە جۇرگىزىلگەنى، الايدا ساۋلەت-جوسپارلاۋ تاپسىرماسى، قۇرىلىس-مونتاج جۇمىستارىن باستاۋ تۋرالى حابارلاما، جوبا-سمەتا قۇجاتتاماسى جانە ساراپتامانىڭ وڭ قورىتىندىسى بولماعانى انىقتالدى. سونىمەن قاتار، جۇمىستار تەحنيكالىق جانە اۆتورلىق قاداعالاۋسىز جۇرگىزىلگەن.
جاۋاپكەرگە بەرىلگەن نۇسقاما بەلگىلەنگەن مەرزىمدە ورىندالماعان، وسىعان بايلانىستى كاسىپكەر اكىمشىلىك جاۋاپكەرشىلىككە تارتىلدى. سوت وتىرىسى بارىسىندا نىساننىڭ قولدانىستاعى قىزىل سىزىق شەگىندە ورنالاسقانى، ال جاۋاپكەردىڭ قۇرىلىس كەزىندە ونىڭ شەكارالارىنىڭ وزگەرگەنىن بىلە تۇرا، كاپيتالدىق قۇرىلىستى باستاعانى انىقتالدى.
سوت جەكە كاسىپكەردى داۋلى ساۋدا ءۇيىن ءبىر اي ىشىندە ءوز قاراجاتى ەسەبىنەن بۇزۋعا مىندەتتەدى. شەشىم زاڭدى كۇشىنە ەندى.