تاراز قالاسىندا اناسىنىڭ بەسىنشى قاباتتىڭ تەرەزەسىنەن ەكى كامەلەتكە تولماعان بالاسىن لاقتىرىپ جىبەرگەن وقيعا جۇرتشىلىقتى دۇرلىكتىردى. بۇل جانتۇرشىگەرلىك جاعدايعا قاتىستى بالا قۇقىقتارى جونىندەگى ۋاكىل دينارا زاكيەۆا پىكىر ءبىلدىردى.
قازىرگى ۋاقىتتا ق ر قىلمىستىق كودەكسىنىڭ 99-بابى 3-بولىگى بويىنشا سوتقا دەيىنگى تەرگەپ-تەكسەرۋ باستالدى. زارداپ شەككەن بالالار جامبىل وبلىستىق كوپبەيىندى بالالار اۋرۋحاناسىنا جەتكىزىلدى.
بۇل تۋرالى Infohub.kz اقپارات اگەنتتىگى حابارلايدى.
بالالار ومبۋدسمەنى اۋرۋحاناعا بارىپ، جاعدايمەن تانىسقان. ونىڭ ايتۋىنشا، ۇل بالانىڭ جاعدايى قاناعاتتانارلىق بولسا، قىز بالانىڭ جاعدايى اۋىرلاۋ. ونىڭ سۇيەكتەرى سىنعان.
اناسىنىڭ جاعدايى
دينارا زاكيەۆا اناسىنىڭ بۇعان دەيىن اۋىر دەپرەسسيامەن اۋىرعانىن، الايدا ەمدەۋ كۋرسىن تولىق اياقتاماعانىن ايتتى.