تارازدا اۆتوبۋس جولاۋشىلارىنىڭ اراسىنداعى جانجال كوشەدە توبەلەسكە ۇلاستى — وقيعا كادرلارى الەۋمەتتىك جەلىلەردە تارادى، ال وبلىستىق پوليسيا بولعان جاعدايعا قاتىستى تۇسىنىكتەمە بەردى، دەپ حابارلايدى infohub.kz سايتى.
وقيعا ورنىنان تۇسىرىلگەن بەينەجازبا «كريمينالنىي كازاحستان» Telegram-ارناسىندا جاريالاندى. كادرلاردا سپورتتىق كيىم كيگەن ەر ادام جاس جىگىتكە قولىمەن جانە اياعىمەن سوققى بەرەتىنى كورىنەدى. توبەلەسكە ايەل ارالاسىپ، ونى توقتاتادى.
جاريالانىمعا سايكەس، جانجالعا قاتىسۋشىلاردىڭ ءبىرىنىڭ اناسى بولعان جاعدايدى بىلايشا باياندادى: ءبارى اۆتوبۋستا باستالعان. ونىڭ ۇلى تۇسۋگە دايىندالىپ، الدىندا تۇرعان ەر ادامنان تۇسە مە دەپ سۇراعان. ايەلدىڭ ايتۋىنشا، اۆتوبۋستا ۇلى جانجالدى جالعاستىرماعان. الايدا تۇسكەننەن كەيىن ەر ادام ونىڭ سوڭىنان ەرىپ، قۋىپ جەتىپ، ۇرا باستاعان.
بەينەجازبانى اۆتوبۋستاعى جانجالدىڭ كۋاسى بولعان ايەل تۇسىرگەن. جاس جىگىت وقيعادان كەيىن تراۆماتولوگيالىق پۋنكتكە قارالعانى حابارلانادى.
NUR.KZ تىلشىسىنە جامبىل وبلىسى پوليسيا دەپارتامەنتىنىڭ ءباسپاسوز قىزمەتى بۇل فاكتى بويىنشا قىلمىستىق كودەكستىڭ «بۇزاقىلىق» بابى بويىنشا سوتقا دەيىنگى تەرگەۋ باستالعانىن ايتتى.
«قازىرگى تاڭدا بولعان وقيعانىڭ بارلىق ءمان-جايىن جان-جاقتى، تولىق جانە وبەكتيۆتى انىقتاۋ ماقساتىندا تەرگەۋ ارەكەتتەرى جۇرگىزىلۋدە. ناتيجەسى بويىنشا ءتيىستى پروسەستىك شەشىم قابىلدانادى»، — دەدى پوليسيادا.
نازار اۋدارىڭىز: ۆيدەودا ادەپسىز سوزدەر بار.