«بالا ەستىگەنىن ايتادى، كورگەنىن ىستەيدى» - دەپ قازاق حالقى بەكەر ايتپاعان. مەكتەپ جاسىنا دەيىنگى بالالاردى ادامگەرشىلىككە تاربيەلەۋدىڭ ماڭىزى زور. كىشكەنتاي سابيلەرىمىز اتا - اناسىنىڭ، تاربيەشىسىنىڭ، دوستارىنىڭ مىنەزىنەن، ءجۇرىس - تۇرىسىنان، سويلەگەن سوزىنەن، ىستەگەن ىسىنەن ۇلگى الۋعا تىرىسادى. بالا بويىنا ادامگەرشىلىك قاسيەتتەردى ويىن، سالت - ءداستۇر، ماقال - ماتەلدەر، ەرتەگىلەر، جۇمباقتار، ايتىس ولەڭدەر ارقىلى ءسىڭىرۋ اتا - انا مەن تاربيەشىلەردىڭ باستى مىندەتى.
ەرتەگىنىڭ تاربيەلىك ءمانى زور. ول ءسابيدىڭ قيالىنا قانات ءبىتىرىپ، بويىنداعى يگى قاسيەتتەردىڭ قالىپتاسۋىنا جول باستايدى. مىسالى «شالقان» ەرتەگىسىن تىڭداپ بولعان سوڭ، بالالار شالقاندى كوپتىڭ كومەگىمەن ج ۇلىپ العانىن ءبىلدى. ال، «اقمىشىم» ەرتەگىسىن تىڭداپ بولىپ، كىشكەنتاي بۇلدىرشىندەر قامقورلىق، مەيىرىمدىلىك سەزىمدەرىمەن تانىستى.
ادامگەرشىلىك دۇنيەسىندەگى ۇرپاقتان - ۇرپاققا جالعاسىپ كەلە جاتقان قىمبات قازىنالارىمىزدىڭ ءبىرى – بەسىك جىرى، ماقال - ماتەلدەر بولىپ كەلەدى. سابيلەر «بەسىك جىرىن» تىڭداي وتىرىپ، انانىڭ بەسىك جىرىمەن، الديىمەن، ءوزىنىڭ تۋعان ءتىلىنىڭ اۋەنىنەن تۇڭعىش رەت ءنار الادى. ماقال - ماتەلدەر ارقىلى كىشكەنتاي بۇلدىرشىندەرىمىزدىڭ قايىرىمدىلىق، ءىلتيپات سەزىمدەرىن ارتتىرامىز، ادامگەرشىلىك سەزىمدەرىن وياتامىز. «ۇلكەنگە – قۇرمەت، كىشىگە - ىزەت» دەگەن ماقال – ماتەل ارقىلى بالا بويىنا ۇلكەندى قۇرمەتتەۋ، قامقورلىق سەزىمدەرىن تۋعىزامىز.
بالالاردى ەڭبەك سۇيگىشتىككە باۋلۋ ارقىلى، ادامگەرشىلىك، ەستەتيكالىق قاسيەتتەرىن دامىتۋعا بولادى.
نازار اۋدارىڭىز! جاسىرىن ءماتىندى كورۋ ءۇشىن سىزگە سايتقا تىركەلۋ قاجەت.