قىرعىزستان ۇقمك-نىڭ بۇرىنعى باسشىسى كامچىبەك تاشييەۆ «75ء-تىڭ حاتى» دەپ اتالاتىن مەملەكەتتىك توڭكەرىس ارەكەتى بويىنشا ۇكىمگە شاعىمداندى. بۇل تۋرالى infohub.kz حابارلايدى.
باسىلىمنىڭ حابارلاۋىنشا، تاشيەۆتىڭ ادۆوكاتى يكراميدين ايتكۋلوۆ ونىڭ «75ء-تىڭ حاتى» ءىسى بويىنشا ۇكىمگە شاعىمدانعانىن مالىمدەدى. اپەللياسيا ءقازىردىڭ وزىندە بىشكەك قالالىق سوتىنا جولدانعان. ونى قاراۋ ەكى ايعا جۋىق ۋاقىت الادى.
بۇعان دەيىن بىشكەك سوتى كامچىبەك تاشيەۆتى «75ء-تىڭ حاتى» ءىسى بويىنشا كىنالى دەپ تانىعان ەدى. وعان مۇلكىن تاركىلەپ، ءتورت جىل باس بوستاندىعىنان ايىرۋ جازاسى كەسىلگەن، الايدا ءۇش جىلدىق پروباسيالىق باقىلاۋ بەلگىلەنىپ، جازانى وتەۋدەن بوساتىلعان.
بۇل ءىس بۇرىنعى جوعارى لاۋازىمدى شەنەۋنىكتەر، دەپۋتاتتار جانە قوعام قايراتكەرلەرى توبىنىڭ وتىنىشىنە بايلانىستى. ولار سادىر جاپاروۆتان ەلدە مەرزىمىنەن بۇرىن پرەزيدەنت سايلاۋىن وتكىزۋدى سۇراعان. وسى ءىس بويىنشا بۇرىنعى باس پروكۋرور كۋرمانكۋل زۋلۋشيەۆ، جوعوركۋ كەنەشتىڭ بۇرىنعى سپيكەرى نۋرلانبەك تۋرگۋنبەك ۋۋلۋ جانە حاتقا قول قويعان بەس ادام دا سوتتالعان.
ەسكە سالا كەتەيىك، كەشە قىرعىزستاندا كەلەسى پرەزيدەنت سايلاۋىنىڭ كۇنى جاريالاندى. ولار 2027 جىلعى 27 قاڭتاردا وتەدى. ءتيىستى جارلىققا ەل پرەزيدەنتى سادىر جاپاروۆ قول قويدى.