تاشكەنتتە Onix كولىگى مەن پاترۋلدىك موتوسيكلدەر قاتىسقان ولىممەن اياقتالعان جول اپاتى بولدى. سالدارىنان ءبىر جول پوليسياسى ينسپەكتورى قازا تاپتى، دەپ حابارلايدى infohub.kz.
وزبەكستان جول قوزعالىسى قاۋىپسىزدىگى قىزمەتى 16 شىلدەدە بولعان اپاتتىڭ ءمان-جايىن اشتى. ۆەدومستۆونىڭ ءباسپاسوز حاتشىسى زوير يۋلدوشەۆتىڭ ايتۋىنشا، جول-كولىك وقيعاسى ساعات 18:30 شاماسىندا ميرزو- ۇلىقبەك اۋدانىنداعى دورمون يۋلي كوشەسىندە بولعان. ءۇش ينسپەكتور پاترۋلدىك موتوسيكلدەرمەن كەلە جاتىپ، گازالكەنت كوشەسىنەن شىققان Onix كولىگىمەن قيىلىستا سوعىسقان.
نازار اۋدارىڭىز! 18 جاسقا تولماعاندارعا كورۋگە ۇسىنىلمايدى.
«اپات سالدارىنان پاترۋلدىك موتوسيكلدى باسقارعان ينسپەكتورلاردىڭ ءبىرى العان جاراقاتتارىنان وقيعا ورنىندا قازا تاپتى. قالعان زارداپ شەككەندەرگە مەديسينالىق كومەك كورسەتىلۋدە، ولاردىڭ ناقتى سانى انىقتالىپ جاتىر»، — دەلىنگەن حابارلامادا.
جققق سونىمەن قاتار اپات كورتەجدى الىپ ءجۇرۋ كەزىندە بولدى دەگەن تارالعان اقپاراتتى جوققا شىعاردى. وقيعا بويىنشا تەرگەۋ جۇرگىزىلۋدە.