تاتۋ دوسپىز ءبارىمىز. (اڭگىمە قۇراتۋ)

تاقىرىبى: تاتۋ دوسپىز ءبارىمىز. (اڭگىمە قۇراتۋ)
ماقساتى: دوستىققا، تاتۋلىققا، باۋىرماشىل بولىپ وسۋگە تاربيەلەۋ.
كورنەكىلىكتەر: سۋرەت ۇلگىلەرى، ماقال - ماتەل، بەينە تاسپا.
ءادىس تاسىلدەرى: سۇراق - جاۋاپ، اڭگىمە ءتۇسىندىرۋ.

I. ساباق بارىسى.
ۇيىمداستىرۋ كەزەڭى.
- سالەمەتسىڭدەر مە بالالار؟
- (بالالار جاۋابى) سالەمەتپىز.
- ءقازىر بىزدە كوركەم ادەبيەت ساباعى. ساباققا قاجەتتى قۇرال – جابدىقتاردى الىپ وقۋشى ەرەجەگە ساي وتىرامىز.
پسيحولوگيالىق ءسات.
قايىرلى كۇن! ءارقاشان كۇن سونبەسىن.
كۇن نۇرىنداي جىلۋىن توگە بەرسىن.
كۇندەي جارىق، كوڭىلدى كۇي كەشەيىك.
ءبارىمىز تاتۋ دوس بوپ وسەيىك.
كىرىسپە اڭگىمە.
«التاۋ الا بولسا، اۋىزداعى كەتەدى، تورتەۋ تۇگەل بولسا، توبەدەگى كەلەدى،» - دەگەندەي ادامداردىڭ بەرىك بىرلىگى، ىنتىماعى، سىيلاسىمدىلىعى ءبىر - بىرىنە قامقورلىق تانىتۋىنان تاتۋلىقتى بايقاۋعا بولادى. ادامدار اراسىنداعى تاتۋلىق، جاقسى سىيلاستىق پەن كەلىسىمدى بىرلىكتىڭ كورىنىسى رەتىندە دوستىق قارىم - قاتىناسقا ۇلاسادى.
قازاقستان كوپ ۇلتتى مەملەكەت. مۇندا ءار ءتۇرلى حالىقتار مەن ۇلتتار وكىلدەرى تۇرادى. ولار ءبىر – بىرىمەن تۋىس، دوس، باۋىر، جولداس. ءبىزدىڭ ەلىمىزدە 1 مامىر ىنتىماقتاستىق، دوستىق، بەيبىتشىلىك مەرەكەسى بولىپ سانالادى.
ىنتىماق بار جەردە باقىت بار.
ءاربىر ۇلتتىڭ ءوز ءتىلى – انا ءتىلى. ادام ومىرگە كەلگەن كۇننەن باستاپ اناسىنىڭ اينالىپ، تولعانعان داۋسىن ەستىپ، جاقسى قاسيەتتەردى بويىنا جيادى. سوندىقتان دا انامىز سويلەگەن ءتىلدى انا ءتىلى دەيمىز.

سۋرەت بويىنشا اڭگىمە قۇراتۋ.

ولەڭ وقىپ بەرۋ.
س. وسپانوۆ "تىلەگىمىز - بەيبىت كۇن".
تىلەگىمىز — بەيبىت كۇن.
سارى، اقپىز، قارامىز،
ءبارىمىز دە بالامىز.
ءبىر قالادا تۇرامىز،
ءبىر مەكتەپكە بارامىز.
اق، قارا دەپ بولمەيمىز،
ءبىر جىل تۋعان تولدەيمىز.
تۋىسقانبىز، تاتۋمىز،
بيىكتەرگە ورلەيمىز.
س. وسپانوۆ
سۇراق – جاۋاپ.
- ولەڭدە نە تۋرالى ايتىلعان؟
- سەندەر وزگە ۇلت بالالارىمەن بىرگە وينايسىڭدار ما؟
- ءبىر قالادا، ءبىر كوشەدە بىرگە تۇرىپ، ۇيلەرىنە باراسىڭدار ما؟
- سەندەردىڭ كورشىلەرىڭ قانداي ۇلتتىڭ ازاماتى؟
- ءبىزدىڭ قالامىزدا ءار ءتۇرلى ۇلتتار تۇرادى، ال سەندەر وسى ۇلتتاردى اتاپ بەرە الاسىڭدار ما؟
- ءبىزدىڭ ول ۇلتتارمەن قارىم - قاتىناسىمىز قانداي؟
- ءوز مەكتەبىمىزدىڭ ىشىندە قانداي ۇلتتىڭ ءتىلىن مەڭگەرىپ جاتىرمىز.
- وسى مەڭگەرىپ جاتقان تىلىمىزدەن ولەڭ ايتىپ بەرە الاسىڭدار ما؟
- وقۋشىلار اعىلشىن تىلىندە تاقپاقتار ايتادى.

ءسوزى ءا. دۇيسەنباەۆتىكى
ءانى م. اۋباكىروۆتىكى
جاقسىلىققا باقىتقا،
تالپىنعان ءور ۋاقىتتا.
بالا بىتكەن دوس - باۋىر،
بولماسىن ەش توسقاۋىل.
اقپىز، قارا، سارىمىز اعايىنبىز ءبارىمىز.

قورىتىندى.

اقتوبە وبلىسى، ايتەكە بي اۋدانى،
سارات ورتا مەكتەبىنىڭ مەكتەپالدى دايارلىق توپ تاربيەشىسى:
جۇمابەك گۇلسانا ساتقاربەك قىزى