«تازا قازاقستان» باستاماسى اياسىندا ەلىمىزدە 3،8 ملن توننادان استام قالدىق جينالىپ، 10 مىڭعا جۋىق قوقىس ورنى جويىلدى. بۇل تۋرالى ەكولوگيا جانە تابيعي رەسۋرستار ءمينيسترى الىبەك قۋانتىروۆ قازاقستان پرەزيدەنتى قاسىم-جومارت توقاەۆقا باياندادى، دەپ حابارلايدى infohub.kz سايتى.
ۆەدومستۆو باسشىسىنىڭ ايتۋىنشا، باستاما اياسىندا بۇكىل ەل بويىنشا 2 مىڭنان استام ەكولوگيالىق ءىس-شارا وتكىزىلدى.
استانا اكىمى جەڭىس قاسىمبەك پرەزيدەنتكە ەلوردانى اباتتاندىرۋ مەن كوگالداندىرۋ جونىندە بايانداما جاسادى. سوڭعى جىلدارى قالادا 500-گە جۋىق اۋلا مەن قوعامدىق كەڭىستىك رەتكە كەلتىرىلدى. 2026 جىلدىڭ سوڭىنا دەيىن تاعى 170-تەن استام اۋلا مەن قوعامدىق ايماقتى، ونىڭ ىشىندە ساياباقتار، سكۆەرلەر مەن بۋلۆارلاردى اباتتاندىرۋ جوسپارلانۋدا.
سونىمەن قاتار ەسىل وزەنىنىڭ بويىندا قالانىڭ ءتۇرلى بولىگىندەگى ساياباقتاردى، سەرۋەندەۋ جانە سپورت الاڭدارىن بىرىكتىرەتىن ۇزدىكسىز جاسىل مارشرۋت جاساۋ كوزدەلىپ وتىر.
بۇعان دەيىن «كۋرسيۆ» توقاەۆتىڭ جاستارمەن جانە ەكواكتيۆيستەرمەن بىرگە «تازا قازاقستان» اكسياسى اياسىندا پرەزيدەنت ساياباعىندا اعاش وتىرعىزعانىن حابارلاعان. 19 قىركۇيەكتە بارلىق وڭىردە دۇنيەجۇزىلىك تازالىق كۇنىنە وراي قوعامدىق كەڭىستىكتەردى تازالاۋ جۇمىستارى جوسپارلانعان.