Telegram مەسسەندجەرىنىڭ پايدالانۋشىلارى بۇكىل قازاقستان بويىنشا سەرۆيس جۇمىسىنداعى ءىرى اقاۋلارعا تاپ بولدى. اقاۋ شامامەن 11:25-تە باستالىپ، ءالى دە جالعاسۋدا، دەپ حابارلايدى infohub.kz سايتى.
Telegram-نىڭ قولجەتىمسىزدىگىنە شاعىمدار ەلدىڭ ءارتۇرلى ايماقتارىنان تۇسۋدە. وسىعان بايلانىستى ءتىلشى «قازاقتەلەكوم» اق ءباسپاسوز قىزمەتىنە ساۋال جولدادى. وندا شەكتەۋلەردىڭ بار ەكەنىن جانە سەرۆيستىڭ قولجەتىمدىلىگىنىڭ تومەندەگەنىن راستادى.
«مونيتورينگ دەرەكتەرى بويىنشا، فرانكفۋرت پەن ماسكەۋدەگى نەگىزگى حالىقارالىق پيرينگ نۇكتەلەرىندە Telegram باعىتىندا ترافيكتىڭ كۇرت تومەندەۋى دە بايقالدى. "قازاقتەلەكوم" اق جاۋاپكەرشىلىك ايماعىندا اۆاريالار، تەحنيكالىق اقاۋلار نەمەسە ينفراقۇرىلىم جۇمىسىنداعى ىشكى بۇزۋشىلىقتار تىركەلگەن جوق. وپەراتور جەلىسى قالىپتى رەجيمدە جۇمىس ىستەپ تۇر»، — دەپ سەندىردى ءباسپاسوز قىزمەتىندە.
قالىپتاسقان جاعدايدىڭ سەبەپتەرىن انىقتاۋ ءۇشىن كومپانيا Telegram-نىڭ اكىمشىلىك-تەحنيكالىق توبىنا رەسمي سۇراۋ جىبەردى.