Telegram نەگىزىن قالاۋشى پاۆەل دۋروۆ Gram Wallet اتتى كىرىكتىرىلگەن كريپتوامياندى ىسكە قوسۋ تۋرالى مالىمدەدى. بۇل ءاميان مەسسەندجەر قولدانۋشىلارىنا بيىل جازدا قولجەتىمدى بولادى دەپ حابارلايدى infohub.kz.
دۋروۆتىڭ ايتۋىنشا، بۇل جەكە كىلتتەردى ساقتامايتىن كريپتوامياندى ەنگىزۋ تاريحتاعى ەڭ ءىرى جوبا بولماق. قىزمەت ىسكە قوسىلعاننان كەيىن Telegram-نىڭ ميللياردتان استام قولدانۋشىسى ونى پايدالانا الادى.
پاۆەل دۋروۆ: «بيىل جازدا كىلتسىز كريپتوامياندى اۋقىمدى ەنگىزۋ بولادى، بۇل ادامزات تاريحىنداعى ەڭ ۇلكەن جوبا بولماق»، — دەدى.
Telegram نەگىزىن قالاۋشى سونداي-اق قولدانۋشىلار كريپتوۆاليۋتا اۋدارىمدارىن لەزدە جانە كوميسسياسىز جاساي الاتىنىن اتاپ ءوتتى.
دۋروۆ: «ميللياردتان استام قولدانۋشىعا ارنالعان كوميسسياسىز لەزدىك كريپتوترانزاكسيالار شىندىققا اينالدى. ءبىز ءوزىمىزدىڭ Gram كريپتواميانىمىزدى ۇسىنامىز، ول ءاربىر Telegram قولدانباسىندا قولجەتىمدى بولادى!» — دەپ مالىمدەدى.
Gram Wallet Telegram قولدانباسىنا تىكەلەي كىرىكتىرىلەتىن بولجانىپ وتىر، سوندىقتان قولدانۋشىلارعا كريپتوۆاليۋتامەن جۇمىس ىستەۋ ءۇشىن بولەك قىزمەتتەردى ورناتۋدىڭ قاجەتى جوق. قانداي سيفرلىق اكتيۆتەر قولدانىلاتىنى جانە ىسكە قوسۋدىڭ ناقتى كۇنى ازىرگە جاريالانبادى.