ۇلتتىق ستاتيستيكا بيۋروسىنىڭ جاڭا زەرتتەۋى قازاقستاندىقتاردىڭ تەمەكى تارتۋ جيىلىگى ازايعانىن كورسەتتى، دەپ حابارلايدى infohub.kz سايتى.
ۇلتتىق ستاتيستيكا بيۋروسىنىڭ مالىمەتىنشە، 2026 جىلعى قاڭتاردا قازاقستاندا ەرەسەك تۇرعىندار اراسىندا تەمەكى تۇتىنۋ بويىنشا كەزەكتى جىلدىق ساۋالناما جۇرگىزىلگەن.
«ساۋالناما رەسپۋبليكانىڭ بارلىق وبلىستارىندا، استانا، الماتى جانە شىمكەنت قالالارىندا ءوتتى. ساۋالناماعا 15 جاستان اسقان 12 مىڭ ءۇي شارۋاشىلىعىنان ءبىر-بىر ادام قاتىستى»، — دەلىنگەن حابارلامادا.
الىنعان ناتيجەلەر بويىنشا، ساۋالناماعا قاتىسقان ءۇي شارۋاشىلىقتارى مۇشەلەرىنىڭ اراسىندا قازىرگى ۋاقىتتا تەمەكى تارتاتىنداردىڭ ۇلەسى 15،1% قۇرادى، بۇل 2025 جىلعى 17،5%-دان 2،4 پايىزدىق تارماققا تومەن.
اۋىلدىق جەرلەردە تەمەكى تارتاتىنداردىڭ ۇلەسى 17،8%، قالالىق جەرلەردە — 14،0%.
ەرلەر اراسىندا تەمەكى تۇتىناتىندار 30،5%، ايەلدەر اراسىندا — 4،9%.
تەمەكى تارتاتىنداردىڭ جالپى سانىنان 98،6% ونەركاسىپتىك جولمەن وندىرىلگەن تەمەكى شەگەدى، 0،4% ەلەكتروندى تەمەكى، 0،9% تەمەكى قىزدىرۋ جۇيەلەرى، 0،1% باسقا تەمەكى بۇيىمدارىن پايدالانادى.