تەمىرتاۋعا جاڭا اكىم تاعايىندالدى. ول – ساپار ساتايەۆ. قاراعاندى وبلىسىنىڭ اكىمى ەرماعانبەت بولەكپايەۆ كانديداتۋرانى ۇسىنىپ، قالا باسشىسىنىڭ الدىندا تۇرعان نەگىزگى مىندەتتەردى اتاپ ءوتتى، دەپ حابارلايدى infohub.kz.
قاراعاندى وبلىسى اكىمدىگىنىڭ ءباسپاسوز قىزمەتىنىڭ مالىمەتىنشە، ءوڭىر باسشىسى جاڭا اكىمنىڭ الدىنا تۇرعىنداردىڭ ءومىر ءسۇرۋ ساپاسىن ارتتىرۋ، قالالىق ينفراقۇرىلىمدى دامىتۋ جانە تەمىرتاۋدىڭ ورنىقتى الەۋمەتتىك-ەكونوميكالىق دامۋىن قامتاماسىز ەتۋ مىندەتتەرىن قويدى.
ەرماعانبەت بولەكپاەۆتىڭ ايتۋىنشا، ساپار ساتايەۆ مەملەكەتتىك باسقارۋدا مول تاجىريبەسى بار، اۋماقتاردىڭ الەۋمەتتىك-ەكونوميكالىق دامۋ ماسەلەلەرىن جاقسى بىلەدى جانە قاجەتتى باسقارۋشىلىق قۇزىرەتتەرگە يە. وبلىس باسشىسى سونداي-اق ساتاەۆتىڭ بالقاشتاعى جۇمىس تاجىريبەسى وعان ءىرى ونەركاسىپ كاسىپورىندارىمەن ءتيىمدى بايلانىس ورناتۋعا مۇمكىندىك بەرگەنىن اتاپ ءوتتى. بۇل تاجىريبە تەمىرتاۋدا قاجەت بولادى، مۇندا ەكونوميكاداعى نەگىزگى ءرولدى قالا قۇراۋشى مەتاللۋرگيالىق كاسىپورىن اتقارادى.
ەرماعانبەت بولەكپايەۆ ساپار ساتاەۆتىڭ باسشىلىعىمەن وتكەن جىلدارى جىلۋمەن جابدىقتاۋ جانە سۋمەن قامتۋ جۇيەلەرىن جاڭعىرتۋ، اۆتوموبيل جولدارىن جوندەۋ جانە كوممۋنالدىق ينفراقۇرىلىمدى دامىتۋ بويىنشا اۋقىمدى جوبالار ىسكە اسىرىلعانىن ەسكە سالدى. بۇل ينجەنەرلىك جەلىلەردىڭ سەنىمدىلىگىن جانە كورسەتىلەتىن قىزمەتتەردىڭ ساپاسىن ارتتىرۋعا مۇمكىندىك بەردى.
«ساپار قايىركەن ۇلى، ءسىزدىڭ باستى مىندەتىڭىز – تەمىرتاۋلىقتاردىڭ ءومىر ءسۇرۋ ساپاسىن ارتتىرۋ، جايلى جانە ءقاۋىپسىز قالالىق ورتا قۇرۋ، سونداي-اق قالانىڭ ورنىقتى الەۋمەتتىك-ەكونوميكالىق دامۋىن قامتاماسىز ەتۋ»، — دەدى قاراعاندى وبلىسىنىڭ اكىمى.
ساپار ساتايەۆ ەڭبەك جولىن 2002 جىلى «قازاقاۆتوجول» رمك-دا باستاعان. ءتۇرلى جىلدارى «بوتاقارا سۋ قوجالىعى» كمكك ديرەكتورىنىڭ ورىنباسارى جانە ديرەكتور مىندەتىن اتقارۋشى قىزمەتتەرىن اتقارعان. مەملەكەتتىك قىزمەتتە 2010 جىلدان بەرى جۇمىس ىستەيدى. ءار جىلدارى قاراعاندى وبلىسى بۇقار جىراۋ اۋدانىنىڭ بوتاقارا كەنتىن باسقارعان. 2013-2015 جىلدار ارالىعىندا اباي قالاسىنىڭ اكىمى قىزمەتىن اتقارعان، كەيىن بۇقار جىراۋ اۋدانى اكىمىنىڭ ورىنباسارى بولىپ جۇمىس ىستەگەن. كەيىن پريوزەرسك قالاسىن باسقارعان. 2023 جىلدىڭ مامىرىنان جاڭا تاعايىنداۋعا دەيىن بالقاش قالاسىنىڭ اكىمى بولدى.
تەمىرتاۋ اكتيۆىنىڭ الدىندا سويلەگەن ساپار ساتايەۆ قالانىڭ تۇرمىسىن جاقسى بىلەتىنىن، نەگىزگى ماسەلەلەردى تۇسىنەتىنىن جانە تۇرعىنداردىڭ قانداي شەشىمدەردى كۇتەتىنىن ايتتى. «تەمىرتاۋ ءارقاشان ادال ەڭبەكتى، جاۋاپكەرشىلىكتى جانە ناقتى ىستەردى باعالايتىن قالا بولدى. مەنىڭ قىزمەتىم دە وسىعان باعىتتالادى»، — دەپ اتاپ ءوتتى جاڭا اكىم. ونىڭ ايتۋىنشا، نازاردا حالىقتىڭ ءومىر ءسۇرۋ ساپاسىن ارتتىرۋ، قالالىق ينفراقۇرىلىمدى دامىتۋ جانە تەمىرتاۋلىقتاردى تولعاندىراتىن وزەكتى ماسەلەلەردى دايەكتى شەشۋ ماسەلەلەرى قالادى.