قازاقستاننىڭ قارجى نارىعىنىڭ ساراپشىلارى الداعى جىلدارعا ارنالعان ۇلتتىق ۆاليۋتا باعامى مەن ينفلياسيا بولجامدارىن ناشارلاتتى، دەپ حابارلايدى infohub.kz.
ق ر ۇلتتىق بانكى 2026 جىلعى 27 تامىزدا قارجى نارىعىنىڭ كاسىبي قاتىسۋشىلارى اراسىندا جۇرگىزىلگەن كەزەكتى ماكروەكونوميكالىق ساۋالنامانىڭ ناتيجەلەرىن جاريالادى. مالىمەتتەرگە سايكەس، رەسپوندەنتتەر تەڭگەنىڭ السىرەۋىن كۇتەدى: 2026 جىلى ورتاشا كۋرس 490 تەڭگە، 2027 جىلى — 516،2 تەڭگە، ال 2028 جىلى — 562،2 تەڭگە بولادى دەپ بولجانۋدا.
ءجىو وسىمىنە قاتىستى بولجامدار وزگەرىسسىز قالدى: 2026 جىلى 4،8%، 2027 جىلى — 4،6%، 2028 جىلى — 4،3% كۇتىلۋدە.
ساراپشىلاردىڭ پىكىرىنشە، ينفلياسيا ەكى تاڭبالى دەڭگەيدە ساقتالىپ، ءتىپتى ازداپ جەدەلدەيدى. 2026 جىلعا ارنالعان بولجام 10% دەڭگەيىندە ساقتالدى، 2027 جىلعا — 7،8%-دان 8،5%-عا، 2028 جىلعا — 6،8%-دان 7%-عا كوتەرىلدى.
مەدياندىق بولجام بويىنشا، بازالىق مولشەرلەمە 2026 جىلى 16% دەڭگەيىندە قالادى. 2027 جىلعا ارنالعان بولجام 12،8%-دان 13%-عا ءوستى، 2028 جىلعا — 10،6%-دان 10،5%-عا ازداپ تومەندەدى. بەس جىلدان كەيىن ساراپشىلار ينفلياسيانىڭ 5،3%-عا دەيىن تومەندەۋىن كۇتەدى (بۇرىن — 5،4%).