قازاقستان ۇلتتىق بانكى ەرەكشە ەكسپەريمەنت جۇرگىزدى: ماماندار 1-دەن 10 مىڭ تەڭگەگە دەيىنگى بانكنوتتاردى جۋىپ، ولاردىڭ بەرىكتىگىن تەكسەردى، دەپ حابارلايدى 24KZ.
بانكنوتتار ءارتۇرلى تەمپەراتۋرا مەن ىلعالدىلىق دەڭگەيىندە سىنالادى. سونداي-اق ولاردىڭ ۇزاق ۋاقىت قولدانىلۋىنا ەلىكتەيدى — اقشا مىڭداعان ادامنىڭ قولىنان وتكەندەي بولادى. وسىدان كەيىن قاعازدىڭ كۇيى، قورعانىش ەلەمەنتتەرىنىڭ ساقتالۋى، يكەمدىلىگى مەن توزۋعا توزىمدىلىگى باعالانادى.
ۇلتتىق بانكتە مۇنداي سىناقتار جاڭا تەحنولوگيالاردى ەنگىزۋگە جانە ساپاسى مەن قورعانىش قاسيەتتەرىن ۇزاق ساقتايتىن بانكنوتتار شىعارۋعا كومەكتەسەتىنىن اتاپ ءوتتى.