امەريكالىق ءپوپ-انشى تەيلور سۆيفت "Patient Zero" اتتى جاڭا سينگلىن شىعاراتىنىن حابارلادى. تۋىندى 2026 جىلعى 25 قىركۇيەك، جۇما كۇنى جارىق كورەدى. بۇل ترەك ونىڭ ترەۆيس كەلسيمەن ۇيلەنگەننەن كەيىنگى العاشقى جۇمىسى بولادى، دەپ جازادى infohub.kz سايتى.
جاڭالىقتى جاريالاۋدىڭ الدىندا ءانشىنىڭ رەسمي سايتىندا قىزىل پەردە اياسىنداعى جۇمباق كەرى ساناق تايمەرى ىسكە قوسىلدى. بۇل جانكۇيەرلەر اراسىندا قىزۋ تالقىلاۋ تۋدىردى.
سينگلگە الدىن الا تاپسىرىس ءسۆيفتتىڭ سايتىندا 24 ساعات بويى اشىق بولدى. جانكۇيەرلەرگە ترەكتىڭ كومپاكت-ديسكىدەگى ءۇش نۇسقاسى ۇسىنىلدى، ونىڭ ىشىندە اكۋستيكالىق جانە فورتەپيانولىق ورىنداۋى بار. ءانشى سونداي-اق Instagram الەۋمەتتىك جەلىسىندەگى ءپروفيلىنىڭ سيپاتتاماسىن وزگەرتىپ، وندا الداعى رەليزگە قاتىستى يشارا قالدىردى.
ۇقىپتى جانكۇيەرلەر جاڭا انگە قاتىستى يشارانى 14 قىركۇيەكتە "ەممي-2026" سىيلىعىن تاپسىرۋ راسىمىندەگى سكەچ كەزىندە بايقاعان. وندا سۆيفت ءبىر توپ ءسوز ايتىپ، ونىڭ شيفرى سينگل اتاۋىن نۇسقاعان. "Patient Zero" كومپوزيسياسى ءانشىنىڭ 2026 جىلعى "I Knew It، I Knew You" ترەگىنەن كەيىنگى ەكىنشى مۋزىكالىق رەليزى بولادى.
جاڭا جۇمىس 2025 جىلعى قازانداعى "The Life of a Showgirl" البومى شىققاننان كەيىن ءبىر جىل تولماي جارىق كورەدى. ازىرگە تەيلور سۆيفت "Patient Zero" جەكە تولىققاندى البومعا ەنەتىنى تۋرالى ەگجەي-تەگجەيىن اشقان جوق.