استانادا TikTok ارقىلى كيىم ساتۋ الاياقتىعىنا كۇدىكتى 19 جاستاعى جىگىت ۇستالدى، دەپ حابارلايدى infohub.kz.
تەرگەۋ دەرەگى بويىنشا، ول TikTok-تا كيىم ساتۋ تۋرالى حابارلاندىرۋلار جاريالاعان، ءبىراق ساتىپ الۋشىلار تولەگەن تاۋاردى الماعان. پوتەنسيالدى كليەنتتەر حابارلاسقاننان كەيىن كۇدىكتى الدىن الا تولەم الىپ، بايلانىسقا شىقپاي، مىندەتتەمەلەرىن ورىنداماعان.
«جەدەل-ىزدەستىرۋ شارالارى بارىسىندا پوليسيا قىزمەتكەرلەرى كۇدىكتىنىڭ جەكە باسىن انىقتادى»، — دەلىنگەن پوليسيا حابارلاماسىندا. ول باسقا وڭىردە ۇستالىپ، استاناعا جەتكىزىلگەن.
«قازىرگى تاڭدا قۇقىق بۇزۋشىلىقتىڭ 9 ەپيزودى انىقتالدى»، — دەپ قوستى استانا پوليسيا دەپارتامەنتى. وقيعا بويىنشا سوتقا دەيىنگى تەرگەۋ جۇرگىزىلۋدە.
استانا پوليسياسى ازاماتتاردى الەۋمەتتىك جەلىلەر مەن ينتەرنەت الاڭداردان ساۋدا جاساۋدا ساق بولۋعا، ساتۋشىلار تۋرالى اقپاراتتى تەكسەرۋگە جانە تەكسەرىلمەگەن ادامدارعا اقشا اۋدارماۋعا شاقىردى.