ءتىل دىبىستارى

ساباقتىڭ تاقىرىبى: ءتىل دىبىستارى
ساباقتىڭ ماقساتى: بىلىمدىلىك: ءتىل دىبىستارى تۋرالى باستاۋىشتا العان بىلىمدەرىن ەسكە تۇسىرە وتىرىپ، ءتىل دىبىستارى تۋرالى كەڭىنەن تۇسىنىك بەرۋ.
ساباقتىڭ دامىتۋشىلىق ماقساتى:
الىنعان ءبىلىمدى ەستە ساقتاۋعا داعدىلاندىرۋ، لوگيكالىق ويلاۋ قابىلەتتەرىن ۇشتاۋ، ناقتى، دالەلدى سويلەۋ داعدىلارىن دامىتۋ.
ساباقتىڭ تاربيەلىك ماقساتى:
ورىندالاتىن تاپسىرمالار ارقىلى ءبىر - ءبىرىن تىڭداۋعا، سىيلاۋعا داعدىلاندىرۋ. ءوز ەڭبەگىن ءادىل باعالاۋعا تاربيەلەۋ.
ساباقتىڭ ءتيپى: جاڭا ساباق.
ساباقتىڭ ءادىسى: ءتۇسىندىرۋ، تالداۋ، جاتتىعۋ ورىنداۋ، ويلاۋ، دالەلدەۋ.
ساباقتىڭ كورنەكىلىگى: ينتەربەلسەندى تاقتا، سلايدتار.
ساباقتىڭ بارىسى:
ءى. ۇيىمداستىرۋ كەزەڭى: وقۋشىلاردى تۇگەندەۋ. وقۋ قۇرالدارىن تەكسەرۋ.
ءىى. ءۇي تاپسىرماسىن تەكسەرۋ: 128 - جاتتىعۋ. بەرىلگەن شارتىن تولىق ورىنداۋ.
ءىىى. جاڭا ساباق: ءتىل دىبىستارى دەگەندە قانداي تۇسىنىكتەر ويلارىڭا كەلەدى؟ باستاۋىش سىنىپتا وتكەندەرىڭدى ەستەرىڭە تۇسىرىڭدەرشى.
وقۋشىلاردان كۇتىلەتىن جاۋاپ: داۋىستى دىبىستار، داۋىسسىز دىبىستار ت. ب.
سوزدىك جۇمىس (داپتەرگە جازعىزۋ)
فونەتيكا گرەكتىڭ «فونە» دەگەن ءسوزى نەگىزىندە قولدانىسقا ەنگەن. فونەنىڭ ماعىناسى - دىبىس، ءۇن، داۋىس.
فونەتيكا – ءتىل ءبىلىمىنىڭ دىبىستىق جاعىن زەرتتەيتىن سالا. فونەتيكا دىبىستاردىڭ جاسالۋى، ايتىلۋى، ەستىلۋى جانە بۋىن، ەكپىن، ينتوناسيا ماسەلەلەرىن قاراستىرادى.
ادامنىڭ ءتىلى - دىبىستىق ءتىل. ءتىل دىبىستارى بولماسا، ءتىل ءومىر سۇرە سالمايدى. ەگەر ءسوز دىبىستاردىڭ تىركەسى تۇرىندە ايتىلماسا، ءتىل قاتىناس قۇرالى دا، پىكىر الىسۋ قۇرالى دا بولماس ەدى.
ءتىل دىبىستارى ءسوز ىشىندە ايتىلادى. ءبىر دىبىس الدەنەشە ءسوزدىڭ قۇرامىندا قولدانىلا بەرەدى. ول ءۇش ءتۇرلى سيپاتتا بولادى. مىسالى: مال، تال، قال. بۇل سوزدەردەگى دىبىستاردىڭ سانى بىردەي، ءبىراق ءبىر دىبىس وزگەشە بولعاندىقتان، مۇنداعى سوزدەردىڭ ماعىناسى دا ءار ءتۇرلى بولىپ تۇر. ەكىنشىسى – سوزدەردەگى دىبىس سانىنىڭ ءار ءتۇرلى بولىپ كەلۋى (بالا، الا، ال). ءۇشىنشىسى: سوزدەگى دىبىستاردىڭ ورىن ءتارتىبى (تاس – سات، قاس – ساق)
ءتىل دىبىستارى سويلەۋ مۇشەلەرى ارقىلى جاسالادى. سويلەۋ مۇشەلەرىنە وكپە، داۋىس شىمىلدىعى، اۋىز قۋىسى، مۇرىن قۋىسى، تاڭداي، ءتىل، ەرىن جاتادى. ءار دىبىستىڭ جاسالۋىنا سويلەۋ مۇشەلەرىنىڭ قاتىسى دا ءار ءتۇرلى. سوعان وراي تىلدەگى دىبىستار دا ءار ءتۇرلى بولادى.

پروبلەمالىق سۇراق قويۋ ارقىلى جاڭا ساباقتى ءتۇسىندىرۋ
مىنا سوزدەرگە نازار اۋدارتىپ، سوزدەردىڭ قانداي وزگەرىسكە ۇشىراپ تۇرعانىن ايتقىزۋ:
باس، تاس، جاس، قاس، ناس
ەسكەك، كەك، ەك
قال - لاق، ءتۇس - ءسۇت، كەل - لەك
ينتەراكتيۆتى تاقتا ارقىلى كەستەلەردى پايدالانا وتىرىپ، وقۋشىلارمەن بىرگە جاڭا ساباقتى مەڭگەرۋ

الماتى وبلىسى، رايىمبەك اۋدانى،
جالاناش اۋىلى، ج. ەرمەگيايەۆ اتىنداعى
ورتا مەكتەپتىڭ قازاق ءتىلى مەن ادەبيەتى ءپانى
ءمۇعالىمى قۋاتبەكوۆا اسىلحان تۋرسىن قىزى

تولىق نۇسقاسىن جۇكتەۋ