«اسپانعا جەتۋ» جانە «اتاقسىز شاتاقتار» فيلمدەرىنىڭ جۇلدىزى تيل شۆايگەر دجەكي چانمەن بىرگە «دوسپەحي بوگا» ءفيلمىنىڭ ءتورتىنشى بولىگىن ءتۇسىرۋ ءۇشىن الماتىعا كەلدى، دەپ حابارلايدى infohub.kz.
ءفيلمدى شىعاراتىن قازاقستاندىق مەدياكومپانيا «دوسپەحي بوگا: ۋلتيماتۋم» ءتۇسىرىلىم توبىنا تانىمال اكتەردىڭ قوسىلعانىن راستادى. كومپانيانىڭ مالىمدەمەسىندە ولار ءۇشىن فيلموگرافياسىندا 80-نەن استام كارتيناسى بار ارتىسپەن جۇمىس ىستەۋ ۇلكەن مارتەبە ەكەنى اتاپ ءوتىلدى. سونداي-اق ولار كورەرمەندەردىڭ جاقىن ارادا شۆايگەردى دجەكي چانمەن بىرگە ەكراننان كورەتىنىنە ۋادە بەردى.
ەسكە سالايىق، 2025 جىلدىڭ قىركۇيەك ايىنىڭ سوڭىندا دجەكي چان الماتىعا كەلگەن بولاتىن، بۇل قازاقستاندىقتار اراسىندا ۇلكەن قىزىعۋشىلىق تۋدىردى. كەيىن «دوسپەحي بوگا» ءفيلمىنىڭ ءتورتىنشى بولىگىنىڭ ءتۇسىرىلىمى قازاقستاندا وتەتىنى بەلگىلى بولدى. ماۋسىم ايىندا ماڭعىستاۋ وبلىسىندا حالىقارالىق جوبانىڭ ءتۇسىرىلىمى باستالسا، شىلدە ايىندا ءتۇسىرىلىم توبى الماتىعا كوشتى.