اۆستراليالىق كاسىپقوي بوكسشى تيم سزيۋ امەريكالىق ەررول سپەنس-كىشىنى 12 راۋندتىق جەكپە-جەكتە جەڭدى. بۇل جەكپە-جەك سيدنەيدەگى بوكس كەشىنىڭ باستى وقيعاسى بولدى، دەپ حابارلايدى infohub.kz.
سپورتشىلاردىڭ اراسىنداعى باسەكە ورتا سالماقتا (72،6 كگ-عا دەيىن) ءوتتى. كەزدەسۋ تولىق 12 راۋندقا سوزىلدى، ال تورەشىلەر تيم سزيۋعا ءبىراۋىزدان جەڭىس بەردى: 117:111، 118:110، 117:111.
31 جاستاعى اۆستراليالىق ءۇشىن بۇل جەڭىس قاتارىنان ءۇشىنشى بولدى. قازىرگى تاڭدا ونىڭ ەنشىسىندە 28 جەڭىس (ونىڭ 18ء-ى نوكاۋتپەن) جانە ءۇش جەڭىلىس بار، ونىڭ ەكەۋى مەرزىمىنەن بۇرىن. تيم سزيۋ بۇرىن ءبىرىنشى ورتا سالماقتا الەم چەمپيونى اتانعان. ونىڭ اكەسى – اتاقتى بوكسشى كونستانتين (كوستيا) سزيۋ.
36 جاستاعى ەررول سپەنس ءۇشىن بۇل جەكپە-جەك ءۇش جىل ىشىندەگى العاشقى بولدى جانە ول قاتارىنان ەكىنشى رەت جەڭىلدى. الدىڭعى جەڭىلىستى وعان جارتىلاي ورتا سالماقتا ءابسوليۋتتى الەم چەمپيونى اتاعىن ساراپقا سالعان كەزدە تەرەنس كروۋفورد جازدى. سپەنستىڭ قورجىنىندا 28 جەڭىس (22 نوكاۋتپەن) قالدى. ول بۇرىن جارتىلاي ورتا سالماقتا بىرنەشە چەمپيوندىق بەلبەۋگە يە بولعان.