تيم كۋك Apple كومپانياسىنىڭ باس ديرەكتورى قىزمەتىندەگى ون بەس جىلدىق مانسابىن اياقتادى. وكىلەتتىكتەر رەسمي تۇردە كومپانيانىڭ ارداگەرى دجون تەرنۋسقا تاپسىرىلدى، دەپ حابارلايدى infohub.kz سايتى.
باس ديرەكتور قىزمەتىنەن كەتكەننەن كەيىن كۋك ديرەكتورلار كەڭەسىنىڭ اتقارۋشى ءتوراعاسى بولادى. كومپانيانىڭ مالىمەتىنشە، ول «كومپانيا قىزمەتىنىڭ كەيبىر اسپەكتىلەرىنە، سونىڭ ىشىندە الەم بويىنشا ساياساتكەرلەرمەن ءوزارا ءىس-قيمىلعا كومەك كورسەتەتىن بولادى». كۋك 2011 جىلدىڭ 24 تامىزىندا ستيۆ دجوبستى اۋىستىرىپ، Apple باس ديرەكتورى بولعان ەدى. دجوبس اۋرۋىنا بايلانىستى قىزمەتىنەن كەتكەن بولاتىن.
جاڭا باس ديرەكتور دجون پاتريك تەرنۋس كومپانيادا 2001 جىلدان بەرى جۇمىس ىستەيدى. ول قاراپايىم ينجەنەردەن توپ-مەنەدجەرگە دەيىنگى جولدى ءوتىپ، ءقازىر بيزنەستىڭ بارلىق اپپاراتتىق بولىگىنە جاۋاپتى. ايتا كەتەيىك، جاڭا باس ديرەكتوردىڭ جاقىن ارادا تاعايىندالاتىنى بيىلعى جىلدىڭ ءساۋىر ايىندا بەلگىلى بولعان ەدى. كەيىنىرەك Apple-دەگى كادرلىق وزگەرىستەردىڭ نەگە بايلانىستى ەكەندىگى تۋرالى اقپارات پايدا بولدى.
ايتا كەتۋ كەرەك، وسى ۋاقىتتا Apple پايدالانۋشىلارى جاڭا iPhone پرەزەنتاسياسىن كۇتۋدە — كومپانيا جاڭا ونىمدەرىن كەلەسى اپتادا، 9 قىركۇيەكتە تانىستىرۋدى جوسپارلاپ وتىر.