ءۇش سەتتەگى ەرىك-جىگەرلى جەڭىس قازاقستاندىق تەننيسشى تيموفەي سكاتوۆقا پورتۋگاليانىڭ ەشتوريال قالاسىنداعى ATP 250 ءتۋرنيرىنىڭ ەكىنشى اينالىمىنا وتۋگە مۇمكىندىك بەردى، دەپ حابارلايدى infohub.kz.
الەمدىك رەيتينگتە 163-ورىندا تۇرعان سپورتشى نەگىزگى تورعا «باقىتتى جەڭىلگەن» رەتىندە باسقا قاتىسۋشىنىڭ باس تارتۋى ارقىلى ىلىكتى. ءبىرىنشى اينالىمدا ول الەمنىڭ 98-راكەتكاسى، نيدەرلاندتىق يەسپەر دە يونگپەن كەزدەستى.
كەزدەسۋ 2 ساعات 29 مينۋتقا سوزىلىپ، 1:6، 6:4، 6:3 ەسەبىمەن سكاتوۆتىڭ پايداسىنا اياقتالدى. ماچ بارىسىندا قازاقستاندىق بىردە-بىر ەيس جاسامادى، ءۇش قوس قاتە جىبەردى جانە سەگىز برەيك-پوينتتىڭ بەسەۋىن پايدالاندى.
ەكىنشى اينالىمدا تيموفەيدىڭ قارسىلاسى الەمنىڭ 14-راكەتكاسى ءارى ءتۋرنيردىڭ ءبىرىنشى ءنومىرى، رەسەيلىك اندرەي رۋبليەۆ بولادى.