الماتى وبلىسىنداعى بۋكرەيەۆ شىڭى ماڭىندا 3010 مەتر بيىكتىكتەن قۇلاعان قىزدى تجم قۇتقارۋشىلارى كۇردەلى وپەراسيامەن ەۆاكۋاسيالادى، دەپ حابارلايدى infohub.kz.
تجم الدىن الا مالىمەتىنشە، قىز جارتاستان قۇلاپ، باس جاراقاتىن الىپ، وزدىگىنەن قوزعالا الماعان. قۇتقارۋشىلار كەلگەنگە دەيىن وعان كۋاگەر العاشقى كومەك كورسەتكەن.
قۇتقارۋ وپەراسياسىنا قازاقستان رەسپۋبليكاسى تجم «بارىس» رەسپۋبليكالىق قۇتقارۋ قىزمەتى مەن الماتى قالاسى توتەنشە جاعدايلار دەپارتامەنتىنىڭ قۇتقارۋ قىزمەتىنىڭ قىزمەتكەرلەرى تارتىلدى. زارداپ شەككەن قىزدى ەۆاكۋاسيالاۋ ءۇشىن «قازاۆياسپاس» اكسيونەرلىك قوعامىنىڭ تىكۇشاعى جۇمىلدىرىلدى.
تاۋلى ايماقتان كوتەرىلگەننەن كەيىن قىزدى «مەدەۋ» تىكۇشاق الاڭىنا جەتكىزىپ، وندا ونى تجم اپاتتار مەديسيناسى ورتالىعىنىڭ بريگاداسىنا ودان ءارى مەديسينالىق كومەك كورسەتۋ ءۇشىن تاپسىردى.