قازاقستاندىق «توبول» مەن ليتۆالىق «پانەۆەجيس» اراسىنداعى ۋەفا كونفەرەنسيا ليگاسىنىڭ ەكىنشى ىرىكتەۋ كەزەڭىنىڭ العاشقى ماچى 1:1 ەسەبىمەن تەڭ اياقتالدى، دەپ حابارلايدى infohub.kz.
قازاقستان كۋبوگىنىڭ يەگەرى رەتىندە ەۋروكۋبوك ماۋسىمىن ەكىنشى كەزەڭنەن باستاعان قوستانايلىق كلۋبقا «اۋكشتايتيا» ستاديونىنداعى كەزدەسۋ وڭايعا سوقپادى: 45-مينۋتتا سەنەگالدىق قورعاۋشى سەيدينا كەيتانىڭ گولىنان كەيىن ءۇي يەلەرى ەسەپ العا شىقتى.
قوناقتار ماچ سوڭىندا ەسەپتى تەڭەستىردى. 84-مينۋتتا چەرنوگوريالىق قورعاۋشى نەمانيا ساۆنيچ قازاقستاندىق جارتىلاي قورعاۋشى اسحات تاعىبەرگەننىڭ اسىرا سالعان دوپىن قاقپاعا باعىتتادى. ال تاعىبەرگەن ەكىنشى تايمدا پەنالتيدى سوعا المادى — 60-مينۋتتا ونىڭ 11 مەترلىك نۇكتەدەن تەپكەن سوققىسىن ليتۆالىق قاقپاشى ۆيتاۋتاس چەرنياۋسكاس قايتاردى.
«توبول» قاقپاشىسى سۇلتان بۇسىرمانوۆ ءبىرىنشى تايمدا جاراقات الىپ، 41-مينۋتتا ونىڭ ورنىنا دانيل ۋستيمەنكو شىقتى.
جاۋاپ ماچ 30 شىلدەدە قوستاناي قالاسىندا وتەدى. ەكى ماچتىڭ جەڭىمپازى ءۇشىنشى ىرىكتەۋ كەزەڭىندە سەربيالىق «پارتيزان» نەمەسە ليۋكسەمبۋرگتىك «ۋنا شتراسسەن» كلۋبىمەن كەزدەسەدى. جەڭىلگەن كوماندا ەۋروكۋبوكتەردەگى جولىن اياقتايدى.