2035 جىلعا دەيىن قازاقستانعا 2،9 ملن مامان قاجەت بولادى، ونىڭ 1،8 ملن-ى — جۇمىسشى كاسىپتەر بويىنشا. بۇل تۋرالى قازاقستان حالىق كەڭەسىنىڭ ءبىرىنشى سەسسياسىندا پرەزيدەنت قاسىم-جومارت توقايەۆ مالىمدەدى، دەپ حابارلايدى infohub.kz سايتى.
مەملەكەت باسشىسىنىڭ ايتۋىنشا، كادر تاپشىلىعى ونەركاسىپ، قۇرىلىس، اۋىل شارۋاشىلىعى جانە اقپاراتتىق تەحنولوگيالار سالاسىندا بارىنشا سەزىلەدى. ول بۇگىندە قازاقستاندا 763 كوللەدج جۇمىس ىستەپ، وندا 500 مىڭنان استام ستۋدەنت وقيتىنىن ەسكە سالدى.
«قاجەتتى داعدىسى بار، ءبىراق بەيىندىك ديپلومى جوق ادامدار ءۇشىن 22 كاسىبي بىلىكتىلىكتى تانۋ ورتالىعى جۇمىس ىستەيدى. وندا ءوز قۇزىرەتىن رەسمي تۇردە راستاۋعا بولادى»، — دەدى توقايەۆ.
پرەزيدەنت استانادا جۇزەگە اسىرىلىپ جاتقان «Joltap» جوباسىنا جەكە توقتالدى. جوبا بيزنەستىڭ تىكەلەي قاتىسۋىمەن جۇمىسشى جانە سيفرلىق كاسىپتەر بويىنشا قىسقا مەرزىمدى وقىتۋدى كوزدەيدى — تىگىنشى مەن دانەكەرلەۋشىدەن باستاپ ۆەب-ازىرلەۋشى مەن ديزاينەرگە دەيىن.
«ءۇش جىلدا 22 مىڭنان استام ادام وقۋدان ءوتتى، 60%-ى جۇمىسقا ورنالاستى، شامامەن 2 مىڭى ءوز ءىسىن اشتى»، — دەپ قوستى ول.
مەملەكەت باسشىسى وسى تابىستى تاجىريبەنى بارلىق وڭىرگە تاراتىپ، ءاربىر قازاقستاندىق ءوز ورنىن تاۋىپ، ادال ەڭبەكپەن وتباسىن اسىراپ، وتانعا پايدا كەلتىرەتىن جاعداي جاساۋعا شاقىردى.
بۇعان دەيىن «كۋرسيۆ» توقاەۆتىڭ تازالىق، ءتارتىپ جانە تابيعاتتى ءسۇيۋ ماسەلەلەرىندە توقتاپ قالماي، بوساڭسۋعا بولمايتىنىن ايتقانىن جازعان.