قازاقستان پرەزيدەنتى قاسىم-جومارت توقايەۆ XVIII بريكس ءسامميتى اياسىندا ابۋ-دابي مۇراگەر حانزاداسى شەيح حالەد بەن مۇحاممەد بەن زايد ال-ناحايانمەن كەزدەستى. بۇل تۋرالى مەملەكەت باسشىسىنىڭ ءباسپاسوز قىزمەتى حابارلادى، دەپ جازادى infohub.kz.
قاسىم-جومارت توقايەۆ شەيح حالەد بەن مۇحاممەد بەن زايد ءال-ناحاياننىڭ استاناعا ساپارىنىڭ تاريحي ماڭىزىن اتاپ ءوتتى: ونىڭ اياسىندا ەكىجاقتى قاتىناستاردى دامىتۋعا قۋاتتى سەرپىن بەرەتىن اۋقىمدى قۇجاتتار پاكەتىنە قول قويىلدى.
«ءبىزدىڭ ىنتىماقتاستىعىمىز شىنىمەن دە كوپ قىرلى سيپاتتا جانە كەڭ اۋقىمدى باعىتتاردى قامتيدى. ءبىز بىرلەسكەن جۇمىستى جالعاستىرۋ جانە ودان ءارى دامىتۋ ءۇشىن بۇدان بىلاي دا بارلىق كۇش-جىگەردى جۇمسايمىز»، – دەدى قازاقستان پرەزيدەنتى.
تاراپتار ەنەرگەتيكا، كولىك جانە لوگيستيكا، اقپاراتتىق تەحنولوگيالار جانە اۋىل شارۋاشىلىعى سالالارىندا تابىستى جۇزەگە اسىرىلىپ جاتقان ءبىرقاتار ءىرى ينۆەستيسيالىق جوبالاردىڭ ورىندالۋ بارىسىن تالقىلادى. بۇل جوبالار ەكونوميكالىق ءوزارا ءىس-قيمىلدى دامىتۋعا جانە ەكىجاقتى ساۋدا كولەمىن ۇلعايتۋعا ىقپال ەتەتىنى اتاپ ءوتىلدى.
كەزدەسۋ قورىتىندىسى بويىنشا ەكى ەل اراسىنداعى تىعىز ىنتىماقتاستىقتى نىعايتۋعا ءوزارا بەيىلدىلىك راستالدى.
قاسىم-جومارت توقايەۆ بىرىككەن اراب امىرلىكتەرىنىڭ پرەزيدەنتى شەيح مۇحاممەد بەن زايد ءال-ناحايانعا ەڭ جاقسى تىلەكتەرىن جەتكىزىپ، ونىڭ قازاقستانعا ساپارىن اسىعا كۇتەتىنىن ايتتى.
بۇعان دەيىن «كۋرسيۆ» توقاەۆتىڭ XVIII بريكس سامميتىنە قاتىسۋ ءۇشىن نيۋ-دەليگە كەلگەنىن جازعان بولاتىن.