شانحايدا وتەتىن جاساندى ينتەللەكت بويىنشا دۇنيەجۇزىلىك كونفەرەنسيا قارساڭىندا قازاقستان پرەزيدەنتى قاسىم-جومارت توقايەۆ قىتايدىڭ تەحنولوگيالىق سەكتورىنىڭ جەتەكشىلەرىمەن كەزدەستى. مەملەكەت باسشىسىنىڭ باستى ۇسىنىسى — ەكيباستۋزدى Data Center Valley جوباسى ارقىلى ورتالىق ازيانىڭ تەحنولوگيالىق جۇرەگىنە اينالدىرۋ، دەپ حابارلايدى infohub.kz.
توقاەۆتىڭ ايتۋىنشا، قازاقستان جاي سەرۆەر قويماسىن ەمەس، تولىققاندى جاساندى ينتەللەكت ەكوجۇيەسىن قۇرۋدا. ەكيباستۋزدىڭ تاڭدالۋىنا ونداعى ارزان ءارى تۇراقتى ەلەكتر ەنەرگياسى سەبەپ بولدى. بۇل ەنەرگيانى كوپ قاجەت ەتەتىن جاساندى ينتەللەكت ينفراقۇرىلىمى ءۇشىن وتە ماڭىزدى.
قىتايلىق ينۆەستورلارعا دايىن پاكەت ۇسىنىلدى. ونىڭ قۇرامىنا ينفراقۇرىلىمى تولىق جابدىقتالعان دەرەكتەر ورتالىقتارىنا ارنالعان الاڭدار، ارنايى ينۆەستيسيالىق جانە سالىقتىق رەجيم، سونداي-اق سۋپەركومپيۋتەر قۋاتتارى مەن جاساندى ينتەللەكت زەرتحانالارىنا قولجەتىمدىلىك كىرەدى.
پرەزيدەنت ەكيباستۋزداعى جوبا ەنەرگيا ءوندىرۋ مەن بۇلتتى ەسەپتەۋلەردەن باستاپ قازاقستاندىق ستارتاپتار، عىلىمي ورتالىقتار جانە IT-قىزمەتتەردى ەكسپورتتاۋعا دەيىنگى بارلىعىن ءبىر تىزبەككە بىرىكتىرۋى كەرەكتىگىن اتاپ ءوتتى.