قازاقستان پرەزيدەنتى قاسىم-جومارت توقايەۆ ءبىرقاتار ەلدەردەگى توتەنشە جانە وكىلەتتى ەلشىلەردى تاعايىنداۋ جانە لاۋازىمدارىنان بوساتۋ تۋرالى جارلىقتارعا قول قويدى، دەپ حابارلايدى infohub.kz سايتى.
مەملەكەت باسشىسىنىڭ جارلىقتارىنا سايكەس، ەرالى لۇقپان ۇلى تۇعجانوۆ قازاقستان رەسپۋبليكاسىنىڭ وزبەكستان رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى. الىبەك اسەت ۇلى باقايەۆ قازاقستاننىڭ ۇلىبريتانيا جانە سولتۇستىك يرلانديا بىرىككەن كورولدىگىندەگى توتەنشە جانە وكىلەتتى ەلشىسى بولىپ تاعايىندالىپ، بۇرىنعى لاۋازىمىنان بوساتىلدى. امانگەلدى عازەز ۇلى ساينوۆ قازاقستاننىڭ رۋمىنياداعى توتەنشە جانە وكىلەتتى ەلشىسى بولىپ تاعايىندالدى.
سونداي-اق، پرەزيدەنت جارلىقتارىمەن بەيبىت باقىر ۇلى اتامقۇلوۆ قازاقستاننىڭ وزبەكستانداعى توتەنشە جانە وكىلەتتى ەلشىسى قىزمەتىنەن، ال ەرلىك شاكىر ۇلى ءالي قازاقستاننىڭ رۋمىنياداعى توتەنشە جانە وكىلەتتى ەلشىسى قىزمەتىنەن بوساتىلدى.