قازاقستان پرەزيدەنتى قاسىم-جومارت توقايەۆ قازىرگى قارۋلى قاقتىعىستاردىڭ جاناما سالدارى تىكەلەي ۇرىس قيمىلدارى ءجۇرىپ جاتقان اۋماقتاردان تىسقارى شىعىپ، جاھاندىق تۇراقتىلىققا سوققى بەرىپ جاتقانىنا الاڭداۋشىلىق ءبىلدىردى... دەپ حابارلايدى infohub.kz.
توقاەۆتىڭ ايتۋىنشا، تەرەڭ جاھاندانۋ جاعدايىندا گەوساياسي شيەلەنىس ەندى تەك جەرگىلىكتى تاراپتاردىڭ اسكەري قارسى تۇرۋىمەن شەكتەلمەيدى. داعدارىستاردىڭ قايتالاما اسەرلەرى قالىپتاسقان ساۋدا-لوگيستيكالىق تىزبەكتەردى بۇزىپ، حالىقارالىق تاۋار جانە قارجى نارىقتارىندا تۇراقسىزدىقتى تۋدىرىپ، كوپتەگەن ەلدىڭ ازىق-ت ۇلىك جانە ەنەرگەتيكالىق قاۋىپسىزدىگىن ناشارلاتۋدا.
«قارۋلى قاقتىعىستاردىڭ سالدارى تىكەلەي ۇرىس قيمىلدارى ايماعىنان تىسقارى شىعىپ، حالىقارالىق نارىقتارعا اسەر ەتىپ، جەتكىزىلىم تۇراقتىلىعىن بۇزىپ، ءوزارا سەنىمنىڭ جالپى دەڭگەيىن تومەندەتىپ جاتقانى ەرەكشە الاڭداۋشىلىق تۋدىرادى. مۇنداي جاعدايدا اسكەري تاۋەكەلدەردىڭ ودان ءارى وسۋىنە جانە جاڭا قارۋلانۋ جاávىسىنا جول بەرمەۋ وتە ماڭىزدى»، — دەپ اتاپ ءوتتى ول.
مەملەكەت باسشىسى الەمدىك دەرجاۆالار اراسىنداعى سەنىم دەڭگەيىنىڭ تومەندەۋى حالىقارالىق قاۋىپسىزدىكتىڭ نەگىزگى ينستيتۋتتارىنىڭ ەروزياسىنا اكەلىپ جاتقانىنا نازار اۋداردى. ءوزارا الشاقتىق ءتىپتى الەۋەتتى كەلىسسوزدەرگە بولاتىن داعدارىستاردى ديپلوماتيالىق جولمەن رەتتەۋدى قيىنداتادى.
الدىن الۋ شارالارى رەتىندە توقايەۆ ۇيىم مۇشەلەرىن كۇش قولدانۋ سەناريلەرىنىڭ ورشۋىنە جول بەرمەۋ ءۇشىن شىۇ-نىڭ ورتاق تاسىلدەرىن ازىرلەۋدى، سونداي-اق قارۋلى باسەكەلەستىكتىڭ جاڭا اينالىمدارىن بولدىرماۋ جانە قارۋ-جاراقتى باقىلاۋ ءۇشىن كوپجاقتى الاڭداردى پايدالانۋدى ۇسىندى.