NVIDIA كومپانياسىنىڭ ۆيسە-پرەزيدەنتى ريەۆ لەبارەديان قازاقستان پرەزيدەنتى قاسىم-جومارت توقاەۆپەن كەزدەسۋدە ەكىباستۇزداعى «دك ورتالىقتارى القابى» جوباسىنىڭ كەلەسى كەزەڭىنە قاتىسۋ جوسپارلارى تۋرالى ايتتى، دەپ حابارلايدى infohub.kz سايتى.
تاراپتار جاساندى ينتەللەكت، سيفرلىق تەحنولوگيالار جانە ەسەپتەۋ ينفراقۇرىلىمى سالاسىنداعى ىنتىماقتاستىقتى تالقىلادى. مەملەكەت باسشىسى NVIDIA-دىڭ جاھاندىق جاساندى ينتەللەكت ەكوجۇيەسىن قالىپتاستىرۋداعى ءرولىن اتاپ ءوتىپ، ونى قازاقستان ەكونوميكاسىنىڭ باسىم سالالارىندا پراكتيكالىق قولدانۋدى كەڭەيتۋدىڭ ماڭىزدىلىعىن اتاپ كورسەتتى.
كەزدەسۋدە ىنتىماقتاستىقتىڭ پراكتيكالىق نەگىزى قالانعانى ايتىلدى: ەلىمىزدە NVIDIA تەحنولوگيالارىنا نەگىزدەلگەن ەكى سۋپەركومپيۋتەرلىك كلاستەر ىسكە قوسىلعان.
«دك ورتالىقتارى القابىنا» ەرەكشە نازار اۋدارىلدى. جوبا قۋاتى شامامەن 300 مۆت بولاتىن ەسەپتەۋ ينفراقۇرىلىمىن قۇرۋدى، ونى بولاشاقتا 1 گۆت-قا دەيىن كەڭەيتۋ مۇمكىندىگىن كوزدەيدى. پرەزيدەنت ونى جۇزەگە اسىرۋ ءۇشىن NVIDIA جانە Firebird كومپانيالارىمەن جاسالعان كەلىسىمدەردىڭ ماڭىزىن اتاپ ءوتتى.
ريەۆ لەبارەديان قازاقستانداعى جاساندى ينتەللەكت ينفراقۇرىلىمىنىڭ دامۋىن جوعارى باعالاپ، كومپانيانىڭ جوبانىڭ كەلەسى كەزەڭىنە قاتىسۋ جوسپارلارى تۋرالى اڭگىمەلەدى. سونىمەن قاتار اڭگىمەلەسۋ بارىسىندا كادرلار دايارلاۋ جانە ەلدىڭ تەحنولوگيالىق ەكوجۇيەسىن دامىتۋ ماسەلەلەرى قاراستىرىلدى.
بۇعان دەيىن «كۋرسيۆ» AI & Digital Bridge 2026 كورمەسىندە پرەزيدەنتكە Qazaq AI Research University بازاسىنداعى AI-Enabled University مودەلى، Trusted Kazakhstan جانە ALFA جوبالارى، سونداي-اق Aitu مەسسەندجەرىنىڭ جاڭا فۋنكسيالارى تانىستىرىلعانىن جازعان بولاتىن. كورمە قوناقتارى «سامۇرىق-قازىنا» مەن Higgsfield.ai-دىڭ ينتەللەكتۋالدىق شەشىمدەرىمەن دە تانىستى.