قازاقستان پرەزيدەنتى قاسىم-جومارت توقايەۆ گەرمانيا فەدەرالدىق پرەزيدەنتى فرانك-ۆالتەر شتاينمايەرگە جانە فەدەرالدىق كانسلەر فريدريح مەرسكە گەرمانيا بىرلىگى كۇنىنە وراي قۇتتىقتاۋ جەدەلحاتتارىن جولدادى، دەپ حابارلايدى infohub.kz سايتى.
NUR.KZ اگەنتتىگىنىڭ اقورداعا سىلتەمە جاساپ حابارلاۋىنشا، مەملەكەت باسشىسى بۇل ايتۋلى كۇن گەرمانيانىڭ توزىمدىلىگى مەن جاسامپاز كۇشىن، ونىڭ پروگرەسس پەن وركەندەۋ جولىنداعى سەنىمدى قادامىن بەينەلەيتىنىن اتاپ ءوتتى.
پرەزيدەنت سونداي-اق گەرمانياعا جاقىندا جاساعان رەسمي ساپارى بارىسىندا كورسەتىلگەن جىلى قابىلداۋ مەن قوناقجايلىلىق ءۇشىن شىنايى ريزاشىلىعىن ءبىلدىرىپ، وتكەن كەلىسسوزدەردىڭ مازمۇندى سيپاتىن جوعارى باعالادى.
قاسىم-جومارت توقايەۆ بەرليندە قول جەتكىزىلگەن ۋاعدالاستىقتار قازاق-گەرمان ستراتەگيالىق ارىپتەستىگىن تەرەڭدەتۋگە جانە باسىم سالالاردا بىرلەسكەن جوبالاردى جۇزەگە اسىرۋعا جاڭا مۇمكىندىكتەر اشاتىنىن اتاپ ءوتتى.
ول فرانك-ۆالتەر شتاينمايەر مەن فريدريح مەرسكە جاۋاپتى مەملەكەتتىك قىزمەتتەرىندە تابىس، ال گەرمانيانىڭ باۋىرلاس حالقىنا اماندىق پەن ودان ءارى وركەندەۋ تىلەدى.
ەسكە سالايىق، وسى اپتادا قاسىم-جومارت توقايەۆ فەدەرالدىق پرەزيدەنت فرانك-ۆالتەر شتاينمايەردىڭ شاقىرۋىمەن گەرمانياعا رەسمي ساپارمەن باردى. ساپار اياسىندا بەرليندە گەرمانيا فەدەرالدىق پرەزيدەنتى فرانك-ۆالتەر شتاينمايەرمەن جانە فەدەرالدىق كانسلەر فريدريح مەرسپەن كەلىسسوزدەر ءوتتى.
وندا باۆاريا پرەمەر-مينيسترى ماركۋس زەدەر قاسىم-جومارت توقاەۆقا ويىنشىلاردىڭ قولتاڭبالارى قويىلعان ميۋنحەن فۋتبول كومانداسىنىڭ اتىنا جازىلعان فۋتبولكاسىن سىيلادى.