قازاقستان پرەزيدەنتى قاسىم-جومارت توقايەۆ تيبەت اۆتونوميالىق اۋدانىنداعى قاتتى سەلدەردىڭ قايعىلى سالدارىنا بايلانىستى قحر ءتوراعاسى سي سزينپينگە كوڭىل ايتۋ جەدەلحاتىن جولدادى، دەپ حابارلايدى infohub.kz سايتى.
مەملەكەت باسشىسى قازا تاپقانداردىڭ تۋعان-تۋىستارى مەن جاقىندارىنا كوڭىل ايتىپ، قولداۋ ءبىلدىرىپ، حابارسىز كەتكەن ازاماتتاردىڭ وتباسىلارىمەن تەزىرەك قاۋىشۋىنا ءۇمىت ءبىلدىردى.
ەسكە سالايىق، كەشە جۇڭگو مەن نەپال اراسىنداعى شەكارا وتكەلىنىڭ ماڭىندا كوشكىن جۇرگەنى بەلگىلى بولدى. سي سزينپين زارداپ شەككەندەردى قۇتقارۋعا بار كۇش-جىگەردى جۇمساۋدى تاپسىردى.
بۇگىن تاڭەرتەڭ تابيعي اپات قۇرباندارىنىڭ سانى 160 ادامنان استى. سونداي-اق نەپال مەن جۇڭگو بيلىگى بىرنەشە ەلدىڭ ازاماتتارىنىڭ حابارسىز كەتكەنىن حابارلادى. قازاقستان سىرتقى ىستەر مينيسترلىگى قۇرباندار اراسىندا قازاقستان ازاماتشاسى بولۋى مۇمكىن ەكەنىن مالىمدەدى. ءبىزدىڭ ەلدىڭ ءتۋريستى قىتايدان نەپالعا تۋريستىك توپ قۇرامىندا شەكارادان وتكەن.