قازاقستان پرەزيدەنتى قاسىم-جومارت توقايەۆ پرەمەر-مينيستر ولجاس بەكتەنوۆپەن جۇمىس كەزدەسۋى وتكىزىپ، ۇكىمەتتىڭ الداعى كەزەڭدەگى نەگىزگى مىندەتتەرىن بەلگىلەدى. مەملەكەت باسشىسى بارلىق مەملەكەتتىك ورگانداردىڭ جۇمىسىن ناقتى، قول جەتىمدى ناتيجەلەرگە جەتۋگە شوعىرلاندىرۋدى تالاپ ەتتى، دەپ حابارلايدى infohub.kz سايتى.
كەزدەسۋ بارىسىندا پرەزيدەنت بارلىق مەملەكەتتىك ورگانداردىڭ ۇيلەسىمدى جۇمىسىن قامتاماسىز ەتۋدى، اتقارۋشىلىق ءتارتىپتى كۇشەيتۋدى جانە ۇكىمەت قىزمەتىن ناقتى ناتيجەلەرگە جەتۋگە باعىتتاۋدى تاپسىردى، دەلىنگەن اقوردا حابارلاماسىندا.
توقايەۆ سونداي-اق ەكونوميكانىڭ تۇراقتى ءوسۋى مەن ءتيىمدى مەملەكەتتىك باسقارۋ قازاقستاندىقتاردىڭ ءومىر ءسۇرۋ دەڭگەيىن ناقتى ارتتىرۋ سياقتى باستى ماقساتقا جەتكىزۋى كەرەكتىگىن ەسكە سالدى.
بۇعان دەيىن «كۋرسيۆ» قاسىم-جومارت توقاەۆتىڭ ەرلان قارينمەن العاشقى جۇمىس كەزدەسۋىن وتكىزگەنىن جازعان بولاتىن.