قازاقستان حالىق كەڭەسىنىڭ ءبىرىنشى سەسسياسىندا پرەزيدەنت قاسىم-جومارت توقايەۆ رەسپۋبليكالىق قوعامدىق بىرلەستىكتەردىڭ كەيبىرەۋى قاعاز جۇزىندە عانا ءومىر ءسۇرىپ جاتقانىن ايتتى، دەپ حابارلايدى infohub.kz سايتى.
«ماعان ءبىرقاتار رەسپۋبليكالىق قوعامدىق بىرلەستىكتەردىڭ قاعاز بەتىندە عانا بار ەكەنى، تەك جارقىراعان «ۆىۆەسكالارى» بار، ال شىن مانىندە «روگا ي كوپىتا» كەڭسەلەرى ەكەنى حابارلاندى. مۇنداي قۇرىلىمدار ازاماتتاردىڭ مۇددەسىن قورعاۋ ءۇشىن ەمەس، ەڭ جاقسى جاعدايدا — مانساپتىق ماقساتتا قۇرىلعانى انىق. ءىس الاياقتىق سحەمالارعا دەيىن جەتتى. بۇعان جول بەرۋگە بولمايدى، سوندىقتان مۇنداي دەرەكتەر قۇقىق قورعاۋ ورگاندارىنىڭ قاراۋىنا بەرىلىپ وتىر»، — دەدى قاسىم-جومارت توقايەۆ.
مەملەكەت باسشىسى تەك مەملەكەتتىك تاپسىرىستى يگەرۋ ءۇشىن قۇرىلاتىن ۇيىمدارعا توسقاۋىل قويۋ قاجەت ەكەنىن قوستى.
«ەلدە كوپتەگەن كونسۋلتاتيۆتىك-كەڭەسشى ورگاندار جۇمىس ىستەيدى، ءبىراق ولاردىڭ جۇمىسى ءجيى بىتىراڭقى، ال فۋنكسيالارى قايتالانادى. حالىق كەڭەسى ولاردىڭ ۇيلەستىرۋىن قامتاماسىز ەتىپ، ساراپتامالىق الەۋەتتى بىرىكتىرىپ، بارلىق ۇسىنىستاردى جۇيەلەۋى كەرەك»، — دەپ تولىقتىردى توقايەۆ.