قازاقستان پرەزيدەنتى قاسىم-جومارت توقايەۆ يسپانيا كورولى فەليپە VI-عا ۇلتتىق قۇرامانىڭ 2026 جىلعى فۋتبولدان الەم چەمپيوناتىنداعى جەڭىسىنە جانە ەكىنشى رەت الەم چەمپيونى اتانۋىنا بايلانىستى قۇتتىقتاۋ جەدەلحاتىن جولدادى، دەپ حابارلايدى infohub.kz سايتى.
مەملەكەت باسشىسى جەدەلحاتتا جوعارى شەبەرلىك دەڭگەيىن، ۇيلەسىمدى كوماندالىق ويىندى جانە جەڭىسكە دەگەن ۇمتىلىستى اتاپ ءوتىپ، بۇل ميلليونداعان جانكۇيەردىڭ سۇيسىنۋىنە سەبەپ بولعانىن ايتتى. ول سونداي-اق يسپانيانىڭ فۋتبول سالاسىنداعى وزىق تاجىريبەسى باسقا ەلدەرگە ۇلگى بولا الاتىنىن ەرەكشە اتاپ ءوتتى. سونىمەن قاتار پرەزيدەنت بيىل قازاقستاندا «اتلەتيكو مادريد» كلۋبىنىڭ اكادەمياسى اشىلعانىن ەسكە سالىپ، بۇل باستاما حالىقتار اراسىنداعى دوستىق پەن كوپقىرلى ىنتىماقتاستىقتى نىعايتۋعا، سونداي-اق جاستار اراسىنداعى بايلانىستاردى دامىتۋعا كۇشتى سەرپىن بەرەتىنىنە سەنىم ءبىلدىردى. توقايەۆ كورولگە ونىڭ جاسامپاز باستامالارىندا تابىس، ال دوستىق يسپانيا حالقىنا يگىلىك پەن وركەندەۋ تىلەدى.
ەسكە سالا كەتەيىك، نيۋ-دجەرسيدەگى «مەتلايف» ستاديونىندا وتكەن الەم چەمپيوناتىنىڭ فينالىندا يسپانيا قۇراماسى ارگەنتينانى قوسىمشا ۋاقىتتا 1:0 ەسەبىمەن جەڭدى.