توپىراق قۇرامىنداعى مۇناي كومىرسۋتەكتەرىن انىقتاۋ ادىستەمەسىن دايارلاۋ

قازىرگى تاڭدا توپىراقتىڭ مۇناي كومىرسۋتەكتەرىمەن لاستانۋى گلوبالدى پروبلەمالاردىڭ ءبىرى بولىپ تابىلادى، سول سەبەپتى ولاردى انىقتاۋ جانە دە لاستانۋدىڭ الدىن الۋ دۇنيەجۇزىلىك ەكولوگتاردىڭ نەگىزگى ماقساتتاردىڭ ءبىرى بولىپ تابىلادى. ايتا كەتەرلىك قازىرگى ۋاقىتقا دەيىن بۇل جايىندا عالىمداردىڭ زەرتتەۋلەرى از ەمەس، دەگەنمەن حروموتوگرافيالىق ءادىس توپىراقتىڭ قۇرامىنداعى بارلىق كومپونەنتتەردى انىقتايتىن ەڭ ناقتى ادىستەردىڭ ءبىرى، ال بۇل ءادىس جاڭا ادىستەردىڭ ءبىرى بولىپ تابىلادى.
توپىراق قۇرىلىسىنىڭ ءب ۇلىنۋى جانە دە قۇرامىنىڭ ءب ۇلىنۋ سەبەپتەرى مۇناي كومىرسۋتەكتەرىنىڭ توپىراققا كوپ مولشەردە تۇسۋىمەن تىكەلەي بايلانىستى. ال مۇناي كومىرسۋتەكتەرىنىڭ توپىراققا ءتۇسۋ سەبەپتەرىنىڭ ماڭىزدىلارىن قاراستىرا كەتسەك:
1) مۇنايدىڭ شىعارىلۋى جانە ونىڭ تاسىمالدانۋىنىڭ ءوسۋى؛
2) مۇناي ونىمدەرىنىڭ اپاتتىق جانە جاسىرىن توگىلۋى؛
3) بۇرعىلاۋ ارقىلى مۇنايدى العان كەزدە توپىراق قۇرىلىسىنىڭ ءب ۇلىنۋى ت. ب.؛
مۇناي كومىرسۋتەكتەرىن توپىراقتىڭ قۇرامىنان انىقتاۋ قازىرگى تاڭدا العا قويىلىپ وتىرعان ماڭىزدى مىندەتتەردىڭ ءبىرى. مۇناي كومىرسۋتەكتەرىن توپىراقتان انىقتاۋ قيىن پروسەسس، ياعني توپىراقتىڭ قۇرامىن زەرتتەۋ وتە قيىن پروسەسس ەكەندىگىن ەسكەرمەگەندە ونىڭ قۇرامىنا تۇسەتىن مۇناي كومىرسۋتەكتەرى ءار ءتۇرلى قوسىلىستان قۇرالعان كۇردەلى قۇرامدى ءارى كۇردەلى قۇرىلىستى بولىپ كەلەتىندىگى زەرتتەۋ پروسەسسىن ايتارلىقتاي قيىنداتادى. سول قيىندىقتارعا قاراماستان كۇردەلى كەشەندى اناليزدەر جانە قازىرگى زامانعى جەتىستىكتەر توپىراقتىڭ قۇرىلىسىن، قۇرامىن تەگىستەي دەرلىك زەرتتەۋگە مۇمكىندىك بەرەدى.