توقايەۆ بىشكەكتەگى اكەسىنىڭ ەسىمىمەن اتالاتىن مەكتەپكە باردى
مەملەكەت باسشىسى قىرعىزستان استاناسىنداعى كورنەكتى ورىندارعا بارۋىن بۇگىن دە جالعاستىردى. ول جازۋشى، سوعىس ارداگەرى، اكەسى كەمەل توقاەۆتىڭ ەسىمىمەن اتالاتىن № 33 مەكتەپ-گيمنازياعا دا تابان تىرەدى، دەپ حابارلايدى Infohub.kz.
بيىل 13 مامىردا بىشكەك قالاسىنداعى №33 مەكتەپ-گيمنازياسىنا قازاق جازۋشىسى جانە قازاقستان پرەزيدەنتى قاسىم-جومارت توقاەۆتىڭ اكەسى كەمەل توقاەۆتىڭ ەسىمى بەرىلدى. بۇل تۋرالى قىرعىزستان پرەزيدەنتىنىڭ ءباسپاسوز حاتشىسى اسقات الاگوزوۆ ايتتى. ونىڭ ايتۋىنشا، بۇل باستامانى قىرعىزستان پرەزيدەنتى سادىر جاپاروۆ كوتەرگەن. جاپاروۆ بۇل شەشىمى تۋرالى قاسىم-جومارت توقاەۆپەن رەسەيدە كەزدەسكەن كەزىندە ايتقان.
«ۇلى وتان سوعىسى جىلدارىندا كەمەل توقايەۆ فرۋنزە جاياۋ اسكەر ۋچيليششەسىندە وقىعان. ال ول وقۋ ورنى سول جىلدارى قازىرگى №33 مەكتەپتىڭ عيماراتىندا ورنالاسقان. ءدال وسى جەردەن ول مايدانعا شاقىرىلعان»، دەپ حابارلاعان قىرعىز بيلىگى.