قازاقستاندىق بوكسشى تورەحان سابىرحان 2026 جىلعى جازعى ازيا ويىندارىندا 70 كەلىگە دەيىنگى سالماق دارەجەسىندەگى فينالدىق جەكپە-جەكتە جەڭىسكە جەتىپ، التىن مەدال يەلەندى، دەپ حابارلايدى infohub.kz سايتى.
2 قازاندا جاپونيانىڭ ايتي جانە ناگويا قالالارىندا بوكس ءتۋرنيرىنىڭ فينالدىق جەكپە-جەكتەرى باستالدى. قازاقستان ۇلتتىق قۇراماسىنىڭ وكىلى تورەحان سابىرحان رينگكە يوردانيا سپورتشىسى زەياد يشايشاعا قارسى شىقتى. وتاندىق بوكسشى تورەشىلەردىڭ ءبىراۋىزدان شەشىمىمەن 5:0 ەسەبىمەن جەڭىسكە جەتتى. سونىمەن قاتار ەكىنشى جانە ءۇشىنشى راۋندتاردا تورەشىلەر يشايشادان ءبىر-بىر ۇپايدان الىپ تاستادى.
وسىلايشا، تورەحان سابىرحان قازاقستان بوكس قۇراماسىنا اعىمداعى ازيادا-2026 ويىندارىنداعى العاشقى التىندى اپەردى.
ايتا كەتەيىك، 20 جاستاعى سابىرحان — 2025 جىلعى الەم چەمپيونى، سونداي-اق جاستار دەڭگەيىندەگى ازيا چەمپيوناتىنىڭ ءتورت دۇركىن جەڭىمپازى.
بۇگىن بوكس ءتۋرنيرىنىڭ فينالىندا ۇلتتىق قۇراما كاپيتانى ايبەك ورالباي دا ونەر كورسەتەدى. 90 كەلىدەن جوعارى سالماق دارەجەسىندەگى التىن مەدال ءۇشىن ول وزبەكستاندىق جاҳونگير زوكيروۆپەن جۇدىرىقتاسادى.