جاپونيانىڭ Toyota ءاۆتوندىرۋشىسى Factory Upgrade زاۋىتتىق جاڭارتۋ باعدارلاماسىن كەڭەيتىپ، ەندى 20 جاسقا دەيىنگى كولىكتەردى قامتيدى. بۇل ەسكى كولىك يەلەرىنە جاڭا اۆتوكولىك ساتىپ الماي-اق زاماناۋي جابدىقتاردى ورناتۋعا مۇمكىندىك بەرەدى، دەپ حابارلايدى infohub.kz سايتى.
باعدارلاما Toyota مەن Lexusء-تىڭ ءبىرقاتار ۇلگىلەرىنە، ونىڭ ىشىندە 2004 جىلعى بەسىنشى بۋىن Toyota Hiace جانە 2014 جىلعى ءبىرىنشى بۋىن Lexus NX-كە قولدانىلادى. 2015 جىلعى Toyota Prius نەمەسە 2017 جىلعى Camry يەلەرى جاڭا ۇلگىلەردە قولدانىلاتىن زاماناۋي مۋلتيمەديالىق جۇيەنى ورناتا الادى.
بۇل قىزمەت 2023 جىلى Kinto Factory دەگەن اتپەن پايدا بولعان ەدى، ەندى ول Factory Upgrade دەپ اتالىپ، ۇلگىلەر مەن جاڭارتۋ نۇسقالارىنىڭ ءتىزىمى كەڭەيتىلدى. مۋلتيمەديادان بولەك، كەيبىر GR ۇلگىلەرى مەن Lexus IS سەدانى ءۇشىن كولىك سيپاتتامالارىن جاقسارتاتىن زاۋىتتىق پاكەتتەر قولجەتىمدى.
ازىرگە باعدارلاما تەك جاپونيادا جۇمىس ىستەيدى. Toyota ونى باسقا نارىقتارعا شىعارۋ جوسپارى تۋرالى حابارلاعان جوق.
كومپانيانىڭ بۇل شەشىمى ەرەكشە بولىپ كورىنەدى. Toyota شىن مانىندە كەيبىر كليەنتتەردىڭ سۇيىكتى كولىگىن ساقتاپ قالعىسى كەلەتىنىن، ءبىراق سونىمەن بىرگە زاماناۋي تەحنولوگيالاردى پايدالانعىسى كەلەتىنىن مويىندادى. بۇل جوبا باعاسى ءوسىپ كەلە جاتقان جاڭا ۇلگىلەردىڭ ساتىلىمىن ىنتالاندىرۋمەن قاتار، ءوز ۇلگىلەرىنىڭ قىزمەت مەرزىمىن ۇزارتقىسى كەلەتىن باسقا اۆتوندىرۋشىلەرگە دە ۇلگى بولا الادى.