Toyota Grand Highlander كروسسوۆەرىن 2027 مودەل جىلىنا جاڭارتىپ، العاش رەت Woodland جول تالعامايتىن نۇسقاسىن ۇسىندى، دەپ حابارلايدى infohub.kz سايتى. كولىك جوعارىلاتىلعان كليرەنس، جول تالعامايتىن شينالار، تولىق جەتەك جانە گيبريدتى قۋات قوندىرعىسىن الدى. اقش-تا Grand Highlander باعاسى شامامەن 19،1 ملن تەڭگەدەن باستالادى.
باستى جاڭالىق — Grand Highlander Woodland. وعان بيىگىرەك سەرىپپەلەر ورناتىلىپ، جول ايىرىمى 13 مم-گە ءوستى. سونداي-اق 18 ديۋيمدىك كۇڭگىرت قارا ديسكىلەر جول تالعامايتىن شينالارمەن، قارا دەكور، رەيلينگتەر جانە جارىقديودتى تۇمانعا قارسى شامدار پايدا بولدى.
سونىمەن قاتار Woodland تىركەمە ىلمەگى مەن قورعانىش شاشىراتقىشتارىن الدى. سالوندا اۋا رايىنا ءتوزىمدى كىلەمشەلەر، ەكىنشى قاتار ورىندىقتار اراسىنداعى ارنايى الىنبالى سالقىنداتقىش قوراپ جانە قۋاتى 1500 ۆت بولاتىن 120 ۆ روزەتكاسى بار.
Woodland تەك تولىق جەتەكپەن جانە گيبريدتى قوندىرعىمەن ۇسىنىلادى. ونىڭ قۇرامىنا 2،5 ليترلىك ءتورت ءسيليندرلى قوزعالتقىش، ەلەكترقوزعالتقىش، نيكەل-مەتاللگيدريدتى باتارەيا جانە ەلەكتروندى باسقارىلاتىن ۆارياتور كىرەدى. جۇيەنىڭ جالپى قۋاتى 245 ا.ك.
Toyota باعا كەستەسى بويىنشا Grand Highlander Hybrid Woodland AWD 51،8 مىڭ دوللار، ياعني ماتەريال جازىلعان كۇنگى باعاممەن شامامەن 23،2 ملن تەڭگە تۇرادى.
تاعى ءبىر ايتارلىقتاي وزگەرىس Grand Highlander Hybrid Max Platinum-قا قاتىستى. حروم، كۇمىس جانە قويۋ سۇر ەلەمەنتتەر قارا تۇسكە اۋىستىرىلدى، ونىڭ ىشىندە اينا كورپۋستارى مەن شاتىرداعى انتەننا.
ال قۋات قوندىرعىسى بۇرىنعىشا قالدى: 2،4 ليترلىك تۋربوقوزعالتقىش، التى ساتىلى اۆتومات، شاعىن باتارەيا جانە ارتقى ەلەكترقوزعالتقىش. جالپى قايتارىمى 362 ا.ك. جانە 542 نم.
قالعان جەلىدە وزگەرىستەر ازىراق. Toyota Hybrid Nightshade Edition مەن Hybrid Max Limited نۇسقالارىنان باس تارتتى. 2،4 ليترلىك تۋربوقوزعالتقىشى بار Platinum نۇسقاسى جاڭا 20 ديۋيمدىك ەكى ءتۇستى دوڭگەلەكتەر الدى، ال XLE جيناقتارى رۋل جىلىتقىشىمەن جانە جاڭا 18 ديۋيمدىك ديسكىلەرمەن جابدىقتالدى.
2027 جىلعى بازالىق Grand Highlander LE 42،6 مىڭ دوللار، ياعني جەتكىزۋسىز شامامەن 19،1 ملن تەڭگە تۇرادى. جاڭارتىلعان كروسسوۆەردىڭ اقش-تاعى ساتىلىمى وسى جىلدىڭ سوڭىندا باستالادى.
بۇعان دەيىن كۋرسيۆ اۆتو Toyota Highlander ءتورت ارزان كروسسوۆەرگە ۇتىلعانىن جازعان بولاتىن.