اقش پرەزيدەنتى دونالد ترامپ امەريكا قۇراما شتاتتارىنىڭ قىسقى ۋاقىتقا ساعات اۋىستىرۋ تاجىريبەسىنەن باس تارتۋىن قولدادى. ونىڭ ايتۋىنشا، بۇل ءراسىم امەريكاندىقتاردى ادەتتەگى ومىرلىك ىرعاعىنان شىعارادى، دەپ حابارلايدى infohub.kz سايتى.
NUR.KZ اگەنتتىگى ريا نوۆوستيگە سىلتەمە جاساپ حابارلاعانداي، اق ءۇيدىڭ باسشىسى بۇل مالىمدەمەنى جۋرناليستەرمەن سۇحباتتاسقان كەزدە جاسادى. ونىڭ سوزىنشە، ۋاقىتتى اۋىستىرۋ كوپتەگەن ازاماتتىڭ ومىرىنە كەدەرگى كەلتىرىپ، ولاردىڭ تەپە-تەڭدىگىن بۇزادى جانە ءوزىنىڭ ايتۋىنشا، «ديسكومبوبۋليرۋيۋششي» اسەر بەرەدى.
وسى ءسوزدى ايتقان سوڭ ترامپ ساعات اۋىستىرۋدىڭ اسەرىن «discombobulator» دەپ اتالاتىن جاڭا قۇپيا دىبىستىق قارۋمەن سالىستىردى. ونىڭ تۇجىرىمى بويىنشا، اقش اسكەريلەرى جىل باسىندا ۆەنەسۋەلاداعى وپەراسيا كەزىندە وسى قارۋدى قولدانعان.
«ادامدار جارىقتى قالايدى. ولار بارىپ ساعات اۋىستىرعىسى كەلمەيدى. جارتى جىل بۇرىن مەن دە سولاي ىستەدىم. ماعان ساعات اۋىستىرۋ ۇنامايدى، ءبارى كەشىگەدى. بۇل بارلىعىن ديسكومبوبۋليرۋەت»، — دەدى اقش پرەزيدەنتى اق ۇيدەگى ءباسپاسوز كونفەرەنسياسىندا جۋرناليستەرگە.
ايتا كەتەيىك، 2024 جىلدىڭ جەلتوقسانىندا اقش پرەزيدەنتى بولىپ قايتا سايلانعاننان كەيىن دونالد ترامپ ەلدە جازعى ۋاقىتقا كوشۋدى جويۋ جوسپارلارى تۋرالى دا ايتقان. ونىڭ پىكىرىنشە، بۇل مەملەكەتكە قىمباتقا تۇسەدى.