اقش پرەزيدەنتى دونالد ترامپ قىتايدا قاراشادا وتەتىن ازيا-تىنىق مۇحيتى ەكونوميكالىق ىنتىماقتاستىعى (اتەس) سامميتىنە قاتىساتىنىن راستادى. بۇل تۋرالى ول جۇڭگو حالىق رەسپۋبليكاسىنىڭ ءتوراعاسى سي سزينپينمەن كەزدەسۋىندە مالىمدەدى، دەپ حابارلايدى infohub.kz سايتى.
«بارامىز. كوپ نارسەنى تالقىلايمىز»، — دەدى ترامپ سي سزينپينمەن كەزدەسۋدە.
ايتا كەتەيىك، بىرنەشە كۇن بۇرىن رەسەي پرەزيدەنتىنىڭ كومەكشىسى يۋري ۋشاكوۆ ۆلاديمير پۋتين مەن دونالد ترامپتىڭ جەكە كەزدەسۋى قاراشادا اتەس ءسامميتى اياسىندا ءوتۋى مۇمكىن ەكەنىن مالىمدەگەن. ونىڭ ايتۋىنشا، ەكى كوشباسشى ءبىر ءىس-شاراعا قاتىسسا، ولاردىڭ كەلىسسوزدەرى ءسوزسىز بولادى.
سونداي-اق بىرنەشە كۇن بۇرىن اق ءۇي باسشىسى پۋتينمەن تاعى ءبىر كەزدەسۋ وتكىزۋى مۇمكىن ەكەنىن ايتقان.
بۇعان دەيىن كرەملدىڭ ءباسپاسوز حاتشىسى دميتري پەسكوۆ جۋرناليستەرگە رەسەي — اقش — ۋكراينا اراسىنداعى ءۇشجاقتى كەلىسسوزدەر جاقىن ارادا ءوتۋى مۇمكىن ەكەنىن، ءبىراق ناقتىلىق جوق ەكەنىن حابارلاعان. سول ۋاقىتتا اقش مەملەكەتتىك دەپارتامەنتىنىڭ باسشىسى ماركو رۋبيو ۆلاديمير ءپۋتيندى ماياميدەگى «ۇلكەن جيىرمالىق» (G20) سامميتىنە رەسمي تۇردە شاقىردى. ال ۋكراينا پرەزيدەنتى ۆلاديمير زەلەنسكي ماياميدە ونىڭ ترامپپەن جانە پۋتينمەن كەزدەسۋى مۇمكىن ەكەنىن جوققا شىعارمادى.