اقش پرەزيدەنتى دونالد ترامپ CNN تەلەارناسىنىڭ، MS NOW جانە Politico باسىلىمىنىڭ تىلشىلەرىنە اق ۇيگە بارۋعا تىيىم سالدى. سەبەبى رەتىندە ول بۇل بۇقارالىق اقپارات قۇرالدارىنىڭ امەريكاندىق اكىمشىلىكتىڭ جۇمىسى تۋرالى جالعان مالىمەت تاراتقانىن اتادى، دەپ حابارلايدى Reuters، ول تۋرالى infohub.kz سايتى جازادى.
مەملەكەت باسشىسى ءوز شەشىمىن جۇما كۇنى جاريالادى. ونىڭ ايتۋىنشا، ب ا ق ءوزى جالعان دەپ سانايتىن ماتەريالداردى جاريالاماۋى ءتيىس.
«ب ا ق اقش پرەزيدەنتىنىڭ، ترامپ اكىمشىلىگىنىڭ نەمەسە امەريكا قۇراما شتاتتارىنىڭ قىزمەتىن جاريالاعان كەزدە ۇنەمى جالعان مەن وتىرىك جازۋعا نەمەسە تاراتۋعا مۇمكىندىك الماۋى كەرەك. باسقا دا جالعان ب ا ق ونىڭ ۇلگىسىن ۇستانۋى ءتيىس»، — دەپ جازدى ترامپ.
امەريكا كوشباسشىسىنىڭ شەشىمىنە ءسوز بوستاندىعى مەن ءباسپاسوز بوستاندىعىنا كەپىلدىك بەرەتىن اقش كونستيتۋسياسىنىڭ ءبىرىنشى تۇزەتۋىنە قايشى كەلەدى دەگەن نەگىزبەن سوتتا داۋ اشۋى مۇمكىن.
CNN، MS NOW، Politico جانە ۇلتتىق ءباسپاسوز كلۋبى پرەزيدەنتتىڭ مالىمدەمەسىنە ازىرگە پىكىر بىلدىرگەن جوق.
ترامپ بۇعان دەيىن دە تەلەارنالار مەن وزگە باق-تى ونىڭ اكىمشىلىگى تۋرالى جاريالانىمدارى ءۇشىن سىناعان. ول تەلەارنالاردى ءوزىن كەلەكەلەيتىن نەمەسە سىنايتىن جاڭالىق جانە يۋمورلىق باعدارلامالاردى ەفيردەن الىپ تاستاۋعا بىرنەشە رەت شاقىردى. سونىمەن قاتار پرەزيدەنت فەدەرالدىق بايلانىس كوميسسياسىنا وسىنداي كونتەنت شىعاراتىن تەلەارنالاردىڭ ليسەنزياسىنان ايىرۋدى ۇسىندى.
بۇعان دەيىن ترامپ اكىمشىلىگى Associated Press اگەنتتىگىنىڭ تىلشىلەرىنىڭ پرەزيدەنت ءىس-شارالارىنا قاتىسۋىن شەكتەگەن. سەبەبى اگەنتتىك مەكسيكا شىعاناعىنىڭ ورنىنا مەملەكەت باسشىسى امەريكاندىق مەملەكەتتىك ۆەدومستۆولار ءۇشىن ەنگىزگەن «امەريكا شىعاناعى» اتاۋىن قولدانۋدان باس تارتقان.