اقش پرەزيدەنتى دونالد ترامپ ۆاشينگتوننىڭ يرانعا قارسى اسكەري وپەراسيا باستاۋدان باسقا امالى بولماعانىن جانە ونى «تاعى 100 رەت» قايتالاۋعا دايىن ەكەنىن مالىمدەدى. بۇل تۋرالى infohub.kz سايتى حابارلايدى.
WABC راديوستانسياسىنا بەرگەن سۇحباتىندا امەريكاندىق كوشباسشى تەگەراننىڭ يادرولىق قارۋعا ۇمتىلىسىنا بايلانىستى اقش كۇش قولدانۋعا ءماجبۇر بولعانىن ءتۇسىندىردى. «مەن مۇنى ىستەگەنىمنىڭ سەبەبى — بىزدە باسقا امال جوق ەدى. مەن مۇنى تاعى 100 رەت قايتالايتىن ەدىم. ولاردا يادرولىق قارۋ بولۋى مۇمكىن ەمەس، جانە ولاردا يادرولىق قارۋ بولمايدى»، — دەپ اتاپ ءوتتى ترامپ.
بۇعان دەيىن اق ءۇيدىڭ باسشىسى Truth Social الەۋمەتتىك جەلىسىندە ورمۋز بۇعازىنىڭ كارتاسىن «اقش-تىڭ جاڭا اۋماعى» دەگەن جازۋمەن جاريالاعان ەدى. بۇعان جاۋاپ رەتىندە يران ءسىم باسشىسىنىڭ ورىنباسارى كازەم گاريبابادي تەگەران اقش پرەزيدەنتىنىڭ «قاتە تۇسىنىكتەرىن تۇزەتەتىنىن» مالىمدەدى.
سونىمەن قاتار، ترامپ قازىرگى ۋاقىتتا اقش پەن يران اراسىندا كەلىسسوزدەر جۇرگىزىلمەيتىنىن جانە جوسپارلانبايتىنىن ايتتى. ءوز كەزەگىندە يران پارلامەنتىنىڭ سپيكەرى موحامماد باگەر گاليباف ترامپ اكىمشىلىگىن سىنعا الىپ، ولاردى «سايقىمازاقتار» دەپ اتادى.