اقش پرەزيدەنتى دونالد ترامپ يرانعا قارسى «جويقىن ەكونوميكالىق وپەراسيا» باستالعانىن مالىمدەپ، باسقا ەلدەردى سالدار تۋرالى ەسكەرتتى، دەپ حابارلايدى infohub.kz.
ترامپ ءوزىنىڭ Truth Social الەۋمەتتىك جەلىسىندە يرانعا كەلىسىم جاساۋعا ودان ارتىق مۇمكىندىكتى ەشكىم بەرمەگەنىن، الايدا ەل بۇل مۇمكىندىكتى پايدالانباعانىن جازدى.
«بۇگىن مەن كەز كەلگەن ەلگە قارسى جۇرگىزىلگەن ەڭ جويقىن ەكونوميكالىق وپەراسيانىڭ باستالعانىن جاريالايمىن! بۇل تەڭدەسى جوق اۋقىمداعى ەكونوميكالىق سوعىس پەن وقشاۋلاۋ بولادى»، — دەدى امەريكاندىق كوشباسشى.
اق ءۇي باسشىسى باسقا ەلدەرگە ەسكەرتۋ جاسادى: «قارجى ينستيتۋتتارىنا، كاسىپورىندارعا، اۋەجايلارعا نەمەسە مەملەكەتتىك قۇرىلىمدارعا يرانعا قانداي دا ءبىر قولداۋ كورسەتۋگە رۇقسات بەرگەن كەز كەلگەن ەل ءوزى دە وراسان زور ەكونوميكالىق سالدارعا تاپ بولادى. بۇل ەكونوميكالىق "D-DAY" بولادى جانە بىزگە بارلىق وداقتاستارىمىزدىڭ اقش-پەن يىق تىرەسىپ، يراندىق ءقاۋىپتى وقشاۋلاۋ جانە جەڭۋ ءۇشىن بىرىگۋى قاجەت»، — دەپ قوستى ترامپ.
سونىمەن قاتار، اقش پرەزيدەنتى يراندا «ەشقاشان يادرولىق قارۋ بولمايدى» دەپ تاعى دا مالىمدەدى.
ەسكە سالايىق، بۇعان دەيىن اق ءۇي باسشىسى دونالد ترامپ Truth Social الەۋمەتتىك جەلىسىندە ورمۋز بۇعازى بەينەلەنگەن جانە «اقش-تىڭ جاڭا اۋماعى» دەگەن جازۋى بار كارتانى جاريالاعان ەدى. بۇعان جاۋاپ رەتىندە يران ءسىم باسشىسىنىڭ ورىنباسارى كازەم گاريبابادي يران اقش پرەزيدەنتىنىڭ «قاتە تۇسىنىكتەرىن تۇزەتەتىنىن» مالىمدەدى.
سونىمەن قاتار، امەريكاندىق پرەزيدەنت ءقازىر اقش پەن يران اراسىندا ەشقانداي كەلىسسوز جۇرگىزىلمەيتىنىن جانە جوسپارلانبايتىنىن ايتتى.