اقش پرەزيدەنتى دونالد ترامپ كانادانىڭ ورمان ورتىنەن شىققان ءتۇتىن امەريكاندىق قالالاردى تۇمشالاعانى ءۇشىن جازا قولدانۋ تۋرالى شەشىم قابىلداعانىن، ءبىراق ەگجەي-تەگجەيىن ايتپاعانىن مالىمدەدى، دەپ حابارلايدى infohub.kz سايتى.
پرەزيدەنتتىك ۇشاقتا جۋرناليستەر امەريكاندىق كوشباسشىدان كورشى ەلگە قاتىستى قانداي شارا قولداناتىنىن انىقتاعانىن سۇرادى. «ءيا»، — دەپ قىسقا جاۋاپ بەردى ترامپ.
ساياساتكەر ەگجەي-تەگجەيگە توقتالماي، اقپارات كەيىنىرەك بەلگىلى بولاتىنىن عانا ايتتى.
بۇعان دەيىن ترامپ كاناداعا قارسى باج سالىعىن ەنگىزەتىنىن ايتىپ، مۇنى ورمان ءورتىنىڭ تۇتىنىمەن بايلانىستىرعان ەدى. ول سونداي-اق كانادالىق بيلىكتى ءورتتىڭ الدىن الۋ ءۇشىن قاجەتتى شارالاردى ادەيى قابىلدامادى دەپ ايىپتاعان.
امەريكاندىق كوشباسشىنىڭ ايتۋىنشا، ءورتتىڭ سالدارى اقش-قا ميللياردتاعان دوللار شىعىن اكەلدى.