اقش پرەزيدەنتى دونالد ترامپ اقش پەن كانادا شەكاراسىندا ورنالاسقان ونتاريو كولىن امەريكا كولى دەپ قايتا اتاۋدى ۇسىندى، دەپ حابارلايدى infohub.kz.
امەريكا كوشباسشىسى Truth Social الەۋمەتتىك جەلىسىندەگى جازباسىندا: «امەريكا قۇراما شتاتتارى ونتاريو كولىن امەريكا كولى دەپ قايتا اتاۋ ماسەلەسىن بايىپتى قاراستىرىپ جاتىر، ويتكەنى ءبىز ونتاريومەن ودان ءارى بيزنەس جۇرگىزۋدى كۇتپەيمىز. وسى ماسەلەگە نازار اۋدارعاندارىڭىزعا راقمەت!» دەپ جازدى.
بريتان ەنسيكلوپەدياسىنىڭ دەرەكتەرىنە سۇيەنسەك، ونتاريو كولى سولتۇستىك امەريكاداعى ۇلى كولدەردىڭ ەڭ كىشىسى جانە ەڭ شىعىسى بولىپ تابىلادى. ونىڭ سولتۇستىك جاعالاۋى كانادانىڭ ونتاريو پروۆينسياسىمەن، ال وڭتۇستىك جاعالاۋى اقش-تىڭ نيۋ-يورك شتاتىمەن شەكتەسەدى.
بۇعان دەيىن كانادا پرەمەر-مينيسترى مارك كارني اقش-قا قاتىستى «دوللارعا دوللار» مولشەرىندە جاۋاپ باج سالىعىن ەنگىزەتىنىن مالىمدەگەن ەدى. بۇعان جاۋاپ رەتىندە دونالد ترامپ كانادا ساياساتىن ءساتسىز دەپ اتاپ، ەل باسشىلىعىن، ونىڭ ىشىندە پرەمەر-مينيستر مارك كارني مەن ونتاريو پروۆينسياسىنىڭ پرەمەرى داگ فوردتى قۇزىرەتسىز دەپ سانايتىنىن ءبىلدىردى.