امەريكا قۇراما شتاتتارىنىڭ پرەزيدەنتى دونالد ترامپ رەسەي مەن ۋكراينا اراسىنداعى «ماعىناسىز» سوعىستان بۇكىل الەم زارداپ شەگىپ جاتقانىن جانە ونى توقتاتۋ قاجەتتىگىن مالىمدەدى، دەپ حابارلايدى infohub.kz سايتى.
دونالد ترامپ رەسەي مەن ۋكراينا اراسىنداعى قاقتىعىس تۋرالى ءوزىنىڭ Truth Social الەۋمەتتىك جەلىسىندە پىكىر ءبىلدىردى.
«وكىنىشكە قاراي، رەسەي ۋكراينامەن سوعىس سالدارىنان ديزەل ونەركاسىبىنەن ايىرىلدى. ديزەل وتىنىن وندىرەتىن كوپتەگەن زاۋىت جارىلىپ، كەمىندە ۋاقىتشا ىستەن شىقتى»، — دەپ جازدى امەريكا كوشباسشىسى.
اق ءۇي باسشىسى سوعىستى «ماعىناسىز» جانە «شەكسىز» دەپ اتادى.
«ۋكراينامەن سوعىس توقتاتىلۋى ءتيىس. اي سايىن 25 مىڭ ادام، نەگىزىنەن اسكەري قىزمەتشىلەر قازا تاۋىپ جاتقاندا، بۇكىل الەم زارداپ شەگۋدە. قانداي ۇيات!» — دەپ تۇيىندەدى ترامپ.
ەسكە سالايىق، وتكەن دەمالىس كۇندەرى ماسكەۋ مەرى سەرگەي سوبيانين ۋكراين اسكەريلەرى رەسەي استاناسىنا ەڭ اۋقىمدى شابۋىل جاساعانىن، سونىڭ ىشىندە كاپوتنياداعى مۇناي وڭدەۋ زاۋىتى زاقىمدانعانىن مالىمدەدى. وسىدان كەيىن ب ا ق دونالد ترامپ زەلەنسكيدەن رەسەيدەگى مۇناي وڭدەۋ زاۋىتتارىنا شابۋىلداردى توقتاتۋدى تاعى دا تالاپ ەتكەنىن جازدى.