اقش پرەزيدەنتى دونالد ترامپ جۇڭگو ءتوراعاسى سي سزينپينمەن كەزدەسۋىندە جۇڭگو كوشباسشىسىنان امەريكالىق قارۋ-جاراق ساتىپ العىسى كەلە مە دەپ سۇراعان. بۇل تۋرالى اقش-تىڭ قىتايداعى ەلشىسى دەۆيد پەرديۋ Fox News تەلەارناسىنا بەرگەن سۇحباتىنىڭ اۋدارماسىنا سىلتەمە جاساپ ايتتى، دەپ حابارلايدى infohub.kz سايتى.
پەرديۋدىڭ ايتۋىنشا، بۇل جايت اق ءۇيدىڭ تايۆانعا قارۋ-جاراق جەتكىزۋىنە بايلانىستى پەكيننىڭ الاڭداۋشىلىعى اياسىندا ورىن العان.
«پرەزيدەنت ترامپ: "قاراڭىزدار، ءبىز الەمنىڭ باسقا دا ەلدەرىنە قارۋ ساتامىز" دەپ ايتا بەرەدى. ءبىر ساتتە ول ءتىپتى ءتوراعا سيدەن بىردەڭە ساتىپ العىسى كەلە مە دەپ سۇرادى»، — دەپ كەلتىرەدى ەلشىنىڭ ءسوزىن DW.
پەرديۋدىڭ سۇحباتىنان كەيىن كوپ ۇزاماي اقش پرەزيدەنتىنىڭ اكىمشىلىگى ۆاشينگتوننىڭ قىتايعا قارۋ ساتۋ جوسپارى جوق ەكەنىن مالىمدەدى، ال مەملەكەتتىك دەپارتامەنت مۇنداي جەتكىزىلىمدەرگە زاڭمەن تىيىم سالىنعانىن اتاپ ءوتتى.
تايۆان — ءىشىنارا مويىندالعان دەموكراتيالىق مەملەكەت. جۇڭگو بيلىگى ونى قحر-دىڭ بولىگى دەپ ساناپ، ارالدى تولىق باعىندىرۋعا ۇمتىلادى، قاجەت بولسا اسكەري كۇش قولدانۋعا دا دايىن. سونىمەن قاتار اقش زاڭناماسى اق ءۇيدى تايۆانعا قورعانىس ءۇشىن قاجەتتى قارۋ جەتكىزۋگە مىندەتتەيدى.